Cow Urine Unfit for Humans Consumption: हिंदू धर्मात गाईचे गोमुत्र खुप पवित्र मानले जाते. तसेच घरातील अंगणात शिंपडल्यास घातक विषाणू नष्ट होतात असे मानले जाते.

घरी मंगल कार्य असल्यासही गोमूत्र शिंपडले जाते.पण हेच गोमूत्र मानवांसाठी चांगलं नाही असे देशातली प्रमुख प्राणी संशोधन संस्था भारतीय पशुवैद्यकीय संशोधन संस्था IVRI स्पष्ट केले आहे.

एका अहवालानुसार, हा अभ्यास बरेली-आधारित ICAR-भारतीय पशुवैद्यकीय संशोधनाद्वारे आयोजित करण्यात आला होता. या संशोधनात गाईच्या गोमुत्रात धोकादायक जीवाणू असल्याचं समोर आलं आहे.

संस्थेतल्या तीन पीएचडी केलेल्या विद्यार्थ्यांनी हे संशोधन केले आहे. त्यांच्या म्हणण्यानुसार निरोगी गायी आणि बैलांमध्ये कमीतकमी 14 प्रकारचे हानीकारक जीवाणू असतात, ज्यात Escherichia Coli असतात. यामुळे पोटाचे संसर्ग होऊ शकतात.

या संस्थेच्या संशोधनाचे निष्कर्ष रिसर्चगेट या ऑनलाइन संशोधन वेबसाइटवर प्रकाशीत केले गेले आहेत. गायी म्हशी आणि मानवांच्या 73 मूत्र नमुन्यांचे विष्लेषण असे दर्शवते की म्हशीच्या मूत्रातील विषाणु वाढीस प्रतिबंध करणारा पदार्थ गायीच्या युरिनपेक्षा कितीतरी पटीने चांगला आहे.

कोणत्याही परिस्थितीत मानवाला वापरासाठी गायीच्या गोमुत्राची शिफारस केली जाऊ शकत नाही. जून ते नोव्हेंबर 2022 दरम्यान केलेल्या अभ्यासातून निरोगी प्राण्याच्या युरिनच्या नमून्यांमध्ये संभाव्य रोगजनक बॅक्टेरिया आहेत.

अहवालानुसार गोमूत्र मानवाच्या आरोग्यासाठी योग्य नाही. संशोधनात असेही समोर आले की, गोमूत्र कर्करोग किंवा कोरोनाच्या विरोधात लढण्यासाठी अत्यंत फायदेशीर आहे.

या संशोधनाच्या अहवालात असेही नमूद करण्यात आले की, गाळलेल्या गोमूत्रात माणसाची प्रतिकारशक्ती सुधारण्याची ताकद आहे.