गेल्या वर्षी पुलवामा (Pulwama) येथे झालेल्या दहशतवादी हल्ल्यात शहीद झालेल्या कॉन्स्टेबल शैलेंद्र प्रताप सिंग (Shailendra Pratap Singh) यांच्या बहिणीच्या लग्नाला सीआरपीएफ जवानांच्या एका गटाने हजेरी लावली होती. कर्तव्य बजावताना शहीद झाले तेव्हा ते केंद्रीय राखीव पोलिस दलाच्या 110 व्या बटालियनमध्ये तैनात होते. कॉन्स्टेबल सिंगचे सहकारी उत्तर प्रदेशमध्ये त्याची बहीण ज्योतीच्या लग्नात पोहोचले आणि वधूच्या भावांना सोपवलेली सर्व कर्तव्य जवानांनी पार पाडली.

“माझा मुलगा आता या जगात नाही पण आता आमच्याकडे सीआरपीएफ जवानांच्या रूपात अनेक मुले आहेत जे नेहमी सुख-दु:खाच्या वेळी आमच्या पाठीशी उभे राहतात,” शैलेंद्र प्रताप सिंग यांचे वडील म्हणाले. गेल्या वर्षी ऑक्टोबरमध्ये, सीआरपीएफ जवान श्रीनगरच्या (Srinagar) बाहेरील एका महामार्गावर कर्तव्य बजावत असताना शैलेंद्रयांच्यावरती दहशतवाद्यांनी गोळीबार केला होता.

या हल्ल्यात सीआरपीएफचे किमान दोन जवान शहीद झाले असून पाच जखमी झाले होते. जम्मू-काश्मीर पोलिसांसह सीआरपीएफचे जवान 5 ऑक्टोबर रोजी पंपोर बायपासवर रस्ता उघडण्याचे ऑपरेशन करत असताना दहशतवाद्यांनी हल्ला केला. "जेकेपीसह 110 बटालियन सीआरपीएफचे जवान ROP करत होते, त्या दरम्यान अज्ञात दहशतवाद्यांनी (12:50 तास) जवानांवर गोळीबार केला. या घटनेत एकूण 05 सीआरपीएफ जवान जखमी झाले आणि त्यांना जिल्हा रुग्णालयात हलवण्यात आले होते.