Congress Leader Jayveer Shergill: काँग्रेस नेते जयवीर शेरगिल यांनी बुधवारी राष्ट्रीय प्रवक्तेपदाचा राजीनामा दिला आहे. जयवीर शेरगिल हे भारताच्या सर्वोच्च न्यायालयात (Supreme Court) व्यवसायाने वकील आहेत. सोनिया गांधी यांना दिलेल्या राजीनामा पत्रात शेरगिल यांनी म्हटले आहे की, पक्षात “स्वार्थी हितसंबंधांच्या प्रभावाखाली” निर्णय घेतले जात आहेत.

दरम्यान, त्यांनी राजीनामा दिलेल्या पत्रात लिहिले की, "मला हे सांगताना खेद वाटतो की, आता देशाच्या हिताचे निर्णय घेतले जात नाहीत, तर ते लोकांच्या स्वार्थी हितसंबंधांमुळे प्रभावित होतात. वरिष्ठ नेतृत्व सातत्याने वास्तवाकडे दुर्लक्ष करत आहे." राजीनामा देण्यापूर्वी ते काँग्रेसचे (Congress) सर्वात तरुण राष्ट्रीय मीडिया पॅनेलचे सदस्य होते.

दुसरीकडे, गेल्या काही महिन्यांपासून त्यांना पत्रकार परिषद घेऊ दिली जात नव्हती. शेरगिल यांचा राजीनामा अशा वेळी आला आहे, जेव्हा पक्षाचे दिग्गज नेते गुलाम नबी आझाद (Ghulam Nabi Azad) आणि आनंद शर्मा (Anand Sharma) यांनी त्यांना सोपवलेल्या पदांचा राजीनामा दिला आहे.