India-China Row: चीनने LAC वर पुन्हा एकदा घुसखोरी केली आहे. सूत्रांनी दिलेल्या माहितीनुसार, चीनचे विमान एलएसीवरील नो फ्लाय झोनमध्ये घुसले आहे. चीनची लढाऊ विमाने 10 किमी आत आली. मिळालेल्या माहितीनुसार, पूर्व लडाखमध्ये चिनी लढाऊ विमाने दिसली. चीनच्या कारवाया पाहता भारतीय हवाई दलही सतर्क झाले आहे.

दरम्यान, चीनची (China) लढाऊ विमाने सातत्याने असे उल्लंघन करत आहेत. गेल्या एक महिन्यापासून चीन सातत्याने अशाप्रकारची घुसखोरी करत आहे. यापूर्वी भारतीय हवाई दल प्रमुखांनीही चीनकडून अशी घुसखोरी केली जात असल्याचे वक्तव्य केले होते. भारत (India) आणि चीनमधील लष्करी पातळीवरील चर्चेदरम्यान चीन सातत्याने अशा कारवाया करत आहे.

दुसरीकडे, चीनकडून अशी कोणतीही कारवाई झाल्यास त्याला त्याच पद्धतीने प्रत्युत्तर दिले जाईल, असे भारतीय हवाई दलाकडून यापूर्वीच सांगण्यात आले आहे. भारतीय हवाई दलाची लढाऊ विमाने पूर्व लडाखमध्ये पूर्णपणे सक्रिय आहेत. त्याचवेळी, भारताच्या परराष्ट्र मंत्रालयाकडून असेही सांगण्यात आले की, 'चीनकडून केल्या जात असलेल्या कारवायांवर आम्ही लक्ष ठेवून आहोत.'