नवी दिल्ली: माहिती आणि तंत्रज्ञान संसदीय स्थायी समितीने (Standing Committee on Information and Technology) मंगळवार, 29 जून रोजी फेसबुक इंडिया आणि गुगल इंडियाच्या प्रतिनिधींची बैठक बोलावली आहे. या बैठकीत नागरिकांच्या हक्कांच्या रक्षणाचे आणि सोशल ऑनलाईन न्यूज मीडिया प्लॅटफॉर्मचा गैरवापर रोखण्याबाबत चर्चा केली जाईल आणि त्या संदर्भात त्यांच्या मतांचा विचार केला जाईल. यासह डिजिटल व्यासपीठावर महिलांच्या सुरक्षेबाबतही विशेष चर्चा होणार आहे. दुपारी चार वाजता ही बैठक होणार असुन, पुढील महिन्यात देखील बैठक आयोजित करण्यात आली आहे. मिळालेल्या माहितीनुसार 6 जुलै रोजी संध्याकाळी 4 वाजता होईल. या दोन्ही बैठकींची घोषणा 23 जून रोजीच करण्यात आली. (Central Standing Committee will now hold discussions with Facebook and Google after Twitter)

कॉंग्रेसचे खासदार शशी थरूर यांच्या अध्यक्षतेखालील संसदीय स्थायी समिती आयोजितने केलेल्या या बैठकींचे उद्दीष्ट नागरिकांच्या हक्कांचे रक्षण आणि सामाजिक ऑनलाइन वृत्त माध्यमांच्या प्लॅटफॉर्मचा गैरवापर रोखण्यासाठी आहे. यापूर्वी, फेसबुक इंडियाच्या प्रतिनिधींनी स्थायी समितीला सांगितले होते की, कंपनीच्या धोरणानुसार साथीचे रोग कोविड -19 नुसार त्यांचे सदस्य समितीसमोर व्यक्तिगतपणे बैठकीला येऊ शकणार नाहीत. यानंतर समितीचे अध्यक्ष थरूर यांनी फेसबुकला सांगितले की, संसद सचिवालयाद्वारे ऑनलाईन (Virtual) बैठकी घेण्यास परवानगी नाही, त्यामुळे त्यांना हजर राहावे लागेल.

डिजिटल प्लॅटफॉर्मवर नागरिकांच्या हक्काचे संरक्षण आणि महिलांच्या सुरक्षेबाबत या प्रकरणाची चौकशी करण्यासाठी स्थायी समितीने यूट्यूब आणि इतर सोशल मीडिया मध्यस्थांच्या प्रतिनिधींशी बैठक घेण्याचा निर्णय घेतला आहे.