Central Government: संसदेचे अर्थसंकल्पीय अधिवेशन 31 जानेवारीपासून सुरू होणार असून ते सहा एप्रिलपर्यंत चालणार आहे. केंद्रीय अर्थमंत्री निर्मला सीतारामन एक फेब्रुवारी रोजी (बुधवार) 2023-24 चा केंद्रीय अर्थसंकल्प लोकसभेत सादर करतील.

या अधिवेशनात किमान राष्ट्रपती द्रौपदी मुर्मू यांचे अभिभाषण व एक भाग नवीन संसद भवनात घेण्यासाठी सरकार प्रयत्नशील आहे.

राष्ट्रपती द्रौपदी मुर्मू 31 जानेवारी रोजी लोकसभा आणि राज्यसभेच्या संयुक्त बैठकीत मार्गदर्शन करतील. संसदीय कार्य मंत्री प्रल्हाद जोशी यांनी ट्विटद्वारे ही माहिती दिली. अधिवेशनात एकूण 27 बैठका होतील.