कॅनडाच्या संरक्षण मंत्री अनिता आनंद यांनी बुधवारी निलगिरीमध्ये झालेल्या दुःखद हेलिकॉप्टर दुर्घटनेबद्दल शोक व्यक्त केला. या दुर्घटनेत भारताचे सीडीएस जनरल बिपिन रावत (Bipin Rawat) आणि त्यांची पत्नी मधुलिका रावत यांच्यासह अनेकांचा मृत्यू झाला.

ट्विटद्वारे राष्ट्रीय संरक्षण मंत्री अनिता आनंद यांनी शोक व्यक्त केला. त्या ट्विटमध्ये लिहितात, “मी भारतातील लोक, जनरल बिपिन रावत, श्रीमती मधुलिका रावत आणि या दुर्घटनेत प्राण गमावलेल्या इतरांच्या कुटुंबीय आणि प्रियजनांप्रती माझ्या संवेदना व्यक्त करते. या आव्हानात्मक काळात कॅनडा (Canada) भारताच्या (India) पाठीशी उभा आहे. आमचे विचार आणि प्रार्थना तुमच्या पाठीशी आहेत.”

कॅनडाचे सीडीएस जनरल वेन आयर यांनी देखील शोक व्यक्त केला. त्यांनी ट्विट केले की, “भारताचे संरक्षण दलाचे प्रमुख जनरल बिपिन रावत, त्यांच्या पत्नी श्रीमती मधुलिका रावत आणि इतर 11 जणांचा हेलिकॉप्टर (Helicopter) अपघातात मृत्यू झाल्याची बातमी समजल्यावर मला अत्यंत दुःख झाले.”