Kuwait Mangaf Building Fire: कुवेतमधील इमारत दुर्घटनेत मृत्युमुखी पडलेल्या 45 भारतीयांचे मृतदेह हवाई दलाच्या विमानाने भारतात आणण्यात आले आहेत. कुवेतच्या परराष्ट्र मंत्रालयाने सांगितले की, जखमींवर रुग्णालयात उपचार सुरु आहेत. या दुर्घटनेतील मृतांची संख्या 50 वर पोहोचली आहे. भारतीय हवाई दलाचे C-130J हरक्यूलिस विमान शुक्रवारी सकाळीच कुवेतहून निघाले होते. विमान थेट कोचीला पोहोचले. मृतांना श्रद्धांजली वाहण्यासाठी केरळचे मुख्यमंत्री पिनाराई विजयन हे स्वतः कोची आंतरराष्ट्रीय विमानतळावर पोहोचले आहेत. त्यानंतर हे विमान दिल्लीला रवाना होईल.

मृतांमध्ये सर्वाधिक केरळचे नागरिक आहेत

कुवेतच्या आगीत मृत्युमुखी पडलेल्या लोकांमध्ये (23) सर्वाधिक केरळचे नागरिक आहेत. यानंतर तामिळनाडू (7) दुसऱ्या स्थानावर आहे. याशिवाय, उत्तर प्रदेश आणि आंध्र प्रदेशातील प्रत्येकी 3 नागरिकांचा मृत्यू झाला आहे. या आगीत ओडिशातील दोन जणांचा मृत्यू झाला. याशिवाय महाराष्ट्र, कर्नाटक, बिहार, झारखंड, बंगाल, पंजाब आणि हरियाणामधील प्रत्येकी एका नागरिकाचा मृत्यू झाला आहे.

परराष्ट्र व्यवहार राज्यमंत्री कीर्तीवर्धन सिंह कुवेत यांनी सांगितले होते की, आगीत जखमी झालेल्या भारतीयांना मदत करण्यासाठी आणि मृतांचे मृतदेह मायदेशी आणण्यासाठी कुवेतला गेले होते. तर कुवेतचे परराष्ट्र मंत्री अब्दुल्ला अली अल याह्या यांनी सांगितले की, गुरुवारी रात्रीच एका भारतीयाचा रुग्णालयात मृत्यू झाला. या स्थितीत मरण पावलेल्या भारतीयांची संख्या 46 वर पोहोचली आहे. कुवेतमधील मंगफ शहरात एका इमारतीला आग लागली. या इमारतीत सुमारे 160 लोक राहत होते, त्यापैकी बहुतेक प्रवासी कामगार होते.

कुवेतचे अमीर मेशाल अल अहमद आणि जाबेर अल सबाह यांनी मृतांच्या कुटुंबीयांना मदत जाहीर केली आहे. कुवेतचे उपपंतप्रधान शेख फहद युसूफ सौद अल सबाह यांनी घोषणा केली की, फायर सेफ्टीच्या उल्लंघनाबद्दल तक्रार करण्यासाठी हॉटलाइन सुरु केली जाईल. तक्रारीनंतर तात्काळ कारवाई केली जाईल. त्याचबरोबर सर्व इमारतींमध्ये फायर सेफ्टी व्यवस्था करण्यात आली आहे की नाही, याचीही तपासणी केली जाणार आहे.