Bihar Politics: नितीश कुमार यांनी पुन्हा एकदा बिहारच्या मुख्यमंत्रीपदाची सूत्रे हाती घेतली आहेत. ते आठव्यांदा राज्याचे मुख्यमंत्री बनले आहेत. मात्र, फरक एवढाच आहे की, गेल्या वेळी ते एनडीएसोबत युतीत होते, यावेळी त्यांनी महाआघाडीसोबत सरकार स्थापन केले आहे. नितीश कुमार यांच्या नेतृत्वाखालील नव्या सरकारबद्दल बोलायचे झाल्यास, बिहारचे माजी उपमुख्यमंत्री आणि भाजप खासदार सुशील मोदी यांनी भाकीत केले की, हे सरकार 2025 मध्ये आपला कार्यकाळ पूर्ण करण्यापूर्वीच पडेल.

दरम्यान, नितीश कुमार आणि आरजेडी प्रमुख लालू प्रसाद यांना पाच दशकांहून अधिक काळ ओळखणारे सुशील मोदी (Sushil Modi) म्हणाले की, 'जेडी(यू) सुप्रिमोने पंतप्रधान नरेंद्र मोदी आणि एनडीएला मतदान करणाऱ्या बिहारच्या जनतेचा अपमान केला आहे.' एका पत्रकार परिषदेला संबोधित करताना, माजी उपमुख्यमंत्र्यांनी आरोप केला की, ''नितीश कुमार (Nitish Kumar) राजद प्रमुख लालू प्रसाद यादव (Lalu Prasad Yadav) यांच्या आजारपणाचा फायदा घेऊन त्यात फूट पाडण्याचा प्रयत्न करतील.''

''नव्याने स्थापन झालेले बिहार (Bihar) सरकार (आरजेडी नेते) तेजस्वी यांच्यासोबत प्रत्यक्ष मुख्यमंत्री म्हणून कसे कार्य करते हे आम्हाला पाहायचे आहे, ते पुढील निवडणुकीपूर्वी पडेल," असेही मोदींनी म्हटले आहे.