UP Politics: उत्तर प्रदेश विधानसभा निवडणुकीतील पराभवानंतर उत्तर प्रदेशचे माजी मुख्यमंत्री अखिलेश यादव यांचा पक्ष असलेल्या समाजवादी पक्षात गदारोळ सुरू आहे. आता बातमी आहे की काका शिवपाल यादव (Shivpal Yadav) यांच्यानंतर आझम खानही नाराज असून दोन्ही नेते एकत्र येऊ शकतात.

आझम खान यांच्या जवळचे नेते शिवपाल यांच्या संपर्कात

शिवपाल यादव यांच्यानंतर आता आझम खान यांच्या जवळील माणसांनी दिलेल्या माहितीनुसार अखिलेश यादव यांच्याविरोधात नाराजीच्या बातम्या येत आहेत. दरम्यान, आझम खान यांच्या जवळचे नेते शिवपाल यादव यांच्या संपर्कात असून येत्या काळात दोन्ही नेते एकत्र येऊ शकतात.

आझम खान यांच्या मीडिया प्रभारींनी अखिलेश यांच्यावर केले आरोप

आझम खान यांचे मीडिया प्रभारी फसाहत अली खान यांनी रविवारी रामपूरमधील एका पक्षाच्या कार्यक्रमात अखिलेश यादव (Akhilesh Yadav) यांच्यावर गंभीर आरोप केले होते आणि ते म्हणाले की, गेल्या अडीच वर्षांत अखिलेश यांनी आझम यांच्या तुरुंगातून सुटका करण्यासाठी कोणतीही हालचाल केली नाही. त्यानंतर सपामध्ये दरारा पडण्याची शक्यता बळावली आहे. तथापि, नंतर फसाहत अली यांनी देखील सांगितले की ही त्यांची "वैयक्तिक वेदना" होती आणि ते आझम खानला सांगतील की आता निर्णय घेण्याची वेळ आली आहे.

आझम खान फेब्रुवारी 2020 पासून तुरुंगात आहेत

रामपूरमध्ये बेकायदेशीर जमिनीवर कब्जा करणे आणि बनावट प्रमाणपत्रे बनवणे अशा अनेक आरोपांनंतर आझम खान यांना फेब्रुवारी 2020 मध्ये अटक (Arrested) करण्यात आली होती. आझमची पत्नी डॉ. तन्झीम फातिमा आणि मुलगा अब्दुल्ला आझम यांना जामीन मिळाला, मात्र आझम खान सध्या तुरुंगात आहेत.