नवी दिल्ली : आपचे सर्वेसर्वा आणि दिल्लीचे मुख्यमंत्री अरविंद केजरीवाल यांना कोरोनाची लागण झाली आहे. त्यांना कोरोनाची सौम्य लक्षणे आढळली होती. त्यांनंतर त्यांनी कोरोना चाचणी करुन घेतली होती. त्यांचा अहवाल आता पॉझिटिव्ह आला आहे.

अरविंद केजरीवाल (Arvind Kejriwal) यांचा कोरोना अहवाल पॉझिटिव्ह आल्यानंतर त्यांनी संपर्कात आलेल्या सर्वांना काळजी घेण्याचं आणि कोरोना चाचणी (Corona Test) करुन घेण्याचा सल्ला दिला आहे. दरम्यान अरविंद केजरीवाल हे आपच्या प्रचारासाठी डिसेंबरमध्ये गोव्यातही येऊन गेले आहेत. गोव्यातही सध्या कोरोनाचा संसर्ग वाढण्यास सुरुवात झाली आहे.

दरम्यान गेल्या आठवड्याभरात अनेक नेत्यांसह सेलिब्रिटींनाही कोरोनाची (Corona) लागण झाली आहे, यात राष्ट्रवादी काँग्रेसच्या खासदार सुप्रिया सुळे, तृणमूलचे खासदार लुईझिन फालेरो, डेरिक ओब्रायन यांच्यासह अभिनेत्री नोरा फतेही आणि अभिनेता अर्जुन कपूरलाही (Arjun Kapoor) कोरोनाची लागण झाली होती.