दिल्लीचे (Delhi) मुख्यमंत्री अरविंद केजरीवाल (Arvind Kejriwal) आणि उपराज्यपाल अनिल बैजल (Anil Baijal) यांच्यातील वाद पुन्हा एकदा समोर आला आहे. उपराज्यपालांच्या बैठकीवर भडकलेल्या मुख्यमंत्री अरविंद केजरीवाल यांनी, "निवडलेल्या सरकारला बाजूला ठेऊन अशी समांतर बैठक घेणे हे संविधानाच्या विरोधात आहे आणि सर्वोच्च न्यायालयाच्या घटनात्मक खंडपीठाच्या निर्णयाविरोधात आहे. ही लोकशाही आहे. जनतेने मंत्रिमंडळ निवडलेले आहे. तुम्हाला काही प्रश्न असल्यास तुम्ही तुमच्या मंत्र्यांना विचारा. अधिकाऱ्यांशी थेट बैठका घेणे टाळा. लोकशाहीचा आदर करा सर.” असे ट्विट करत आपला राग व्यक्त केला. (Arvind Kejriwal lashed out at Lt Governor Anil Baijal, saying, "Respect democracy.")

दिल्लीचे लेफ्टनंट गव्हर्नर अनिल बैजल यांनी मुख्य सचिवांसह अनेक उच्चपदस्थ अधिकाऱ्यांसोबत कोरोनाची परिस्थिती आणि तयारी यावर बैठक घेतली. त्या बैठकीनंतर केजरीवाल यांनी या भावना व्यक्त केल्या आहेत. यापुर्वी देखील प्रशासनात हस्तक्षेप करण्यावरुन केजरीवाल आणि उपराज्यपाल यांच्यात संघर्ष झाल्याचे पहायला मिळाले आहे.

दरम्यान, या बैठकीनंतर लेफ्टनंट गव्हर्नर अनिल बैजल यांनी ट्वीट करत, ‘मुख्य सचिव, एसीएस (गृह आणि आरोग्य), विभागीय आयुक्त, आरोग्य सचिव, डीएमआरसीचे एमडी आणि इतर अधिकाऱ्यांसोबत कोरोनाची परिस्थिती आणि भविष्यातील तयारीचा आढावा घेण्यासाठी बैठ
क घेतली' असल्याची माहिती दिली होती.