भारतातील सैन्य भरतीसाठी असलेल्या अग्निपथ योजनेला विरोध सुरू आहे. तर दुसरीकडे हवाई दलातील भरतीला युवकांनी चांगलाच प्रतिसाद दिला आहे. अग्निपथ योजनेतंर्गत भरतीसाठी दोन दिवसांत 56,960 जणांनी अर्ज केले आहेत. हा आकडा रविवारपर्यंतचा आहे. या योजनेनुसार, हवाई दलातील भरतीसाठीची नोंदणी शुक्रवारपासून सुरू झाली. (Agnipath Recruitment Scheme News)

हवाई दलाने (Air Force) रविवारी दिलेल्या माहितीनुसार, अग्निपथ योजनेनुसार, भरतीसाठीच्या अर्ज प्रक्रियेसाठी 56960 जणांनी अर्ज केले आहेत. याची नोंदणी प्रक्रिया 5 जुलै रोजी बंद होणार आहे. हवाई दलात अग्निपथ योजनेतंर्गत (Agneepath Scheme) भरतीसाठी 24 जून 2022 रोजी अधिसूचना जारी करण्यात आली होती. हवाई दलातील चार वर्षांच्या सेवेसाठी इच्छुक असलेल्या युवकांना careerindianairforce.cdac.in या वेबसाइटवर जाउन ऑनलाइन अर्ज करू शकता.

* अग्निवीर चार वर्षांसाठी भरती केली जाईल

अधिकृत अधिसूचनेनुसार, अग्निपथ योजनेअंतर्गत हवाई दलाच्या भरती नोंदणी प्रक्रियाची शेवटची तारिख 5 जुलै 2022 आहे. 'अग्निवीर' भरतीसाठी उमेदवारांनी पात्रता निकष पूर्ण करणे आवश्यक आहे. केंद्र सरकारने 14 जून रोजी अग्निपथ योजना जाहीर केली होती. या योजनेत 17 ते 21 वर्षे वयोगटातील तरुणांना चार वर्षांच्या कालावधीसाठी भरती केले जाईल. यापैकी 25 टक्के अग्निवीरांना नियमित सेवेत दाखल केले जाणार आहे.