आज संध्याकाळपर्यंत माजी सैनिकांची पेन्शन त्यांच्या बँक खात्यात पोहोचेल, असे आश्वासन केंद्र सरकारने दिले आहे. काँग्रेस नेते राहुल गांधी यांनी आज माजी सैनिकांच्या पेन्शनचा मुद्दा उपस्थित करत नरेंद्र मोदी सरकारवर निशाणा साधला. हिंदुस्तान टाईम्स या दैनिकात प्रसिद्ध झालेल्या वृत्ताचा हवाला देत माजी काँग्रेस अध्यक्षांनी नरेंद्र मोदी (Narendra Modi) सरकार सैनिकांचा आणि देशाचा अपमान करत असल्याचे अप्रत्यक्षपणे म्हटले होते.

दरम्यान, राहुल गांधींनी (Rahul Gandhi) ट्विटरवरुन म्हटलयं की, "वन रँक, वन पेन्शनच्या फसवणुकीनंतर आता मोदी सरकार 'ऑल रँक, नो पेन्शन' धोरण अवलंबत आहे... सैनिकांचा अपमान हा सैनिकांचा अपमान आहे. देश... .सरकारने माजी सैनिकांना लवकरात लवकर पेन्शन द्यावी..."

तसेच, राहुल गांधींच्या हल्ल्यानंतर, सरकारने आज संध्याकाळपर्यंत माजी सैनिकांचे पेन्शन बँक खात्यात वर्ग केले जाईल, असे आश्वासन दिले आहे. खरं तर, हिंदुस्तान टाईम्सच्या अहवालात असे म्हटले होते की, शेकडो माजी सैनिकांना एप्रिल महिन्याचे पेन्शन देण्यात आलेले नाही. विशेष म्हणजे यासाठी सरकारी कोणतेही कारण दिलेले नाही. अहवालानुसार, सरकारने पेन्शन वितरणासाठी नवीन ऑनलाइन पेन्शन वितरण प्रणालीचा अवलंब केल्यामुळे हे घडले असावे, ज्यामध्ये तांत्रिक त्रुटींमुळे पेन्शनचे वितरण होऊ शकले नाही.