मुख्यमंत्री चरणजीत चन्नी आणि पंजाब काँग्रेसचे अध्यक्ष नवज्योत सिद्धू सोमवारी दुपारी मोगा येथे पोहोचले आणि चित्रपट अभिनेता सोनू सूदची बहीण मालविका सूद सच्चर यांना औपचारिकपणे पक्षात सामील करून घेतले.

सीएम चन्नी आणि नवज्योत सिद्धू यांनी सोनू सूदच्या (Sonu Sood) घरी पत्रकार परिषद घेतली आणि मालविका सूद यांना मोगामधून पक्षाचे उमेदवार म्हणून घोषित केले. यानंतर मोगाचे आमदार डॉ.हरज्योत कमल यांच्या समर्थकांनी जोरदार घोषणाबाजी करत काँग्रेस (Congress) हायकमांडच्या या निर्णयाचा निषेध केला. मात्र, आमदार कमल यांना काँग्रेस पक्षात आणखी एक चांगले पद दिले जाईल, असेही सीएम (CM) चन्नी यांनी जाहीर केले आहे.

मालविका सूद यांना काँग्रेस पक्षात जे काही पद दिले जाईल, ते ती पार करेल, असे नवज्योत सिद्धू म्हणाले. ते म्हणाले की, मालविका सूद आणि सोनू सूद यांनी निस्वार्थ सेवा केली आहे. गरीब मुलींना एक हजार सायकल देणे, गरीबांना मोफत उपचार देणे अशा सेवा करून सूद कुटुंबाने समाजात वेगळी ओळख निर्माण केली आहे.