जम्मू-काश्मीरमधील दहशतवादी हल्ले थांबण्याचं नाव घेत नाहीत. काश्मीरच्या पुलवामा (Pulwama) जिल्ह्यात सोमवारी झालेल्या हल्ल्यात रेल्वे सुरक्षा दलाचा (RPF) जवान शहीद झाला, तर एक जवान या हल्ल्यात जखमी झाला. सूत्रांनी दिलेल्या माहितीनुसार, हेड कॉन्स्टेबल सुरिंदर सिंग आणि सहाय्यक उपनिरीक्षक देवराज यांना काकापोरामधील एका चहाच्या स्टॉलजवळ गोळ्या घालण्यात आल्या. दोघांनाही रुग्णालयात (Hospital) दाखल करण्यात आले असता सुरिंदर सिंग यांना मृत घोषित करण्यात आले. विशेष म्हणजे, गेल्या तीन आठवड्यांत काश्मीर खोऱ्यात सुरक्षा दल आणि नागरिकांवर दहशतवादी हल्ल्यांच्या घटनांमध्ये वाढ झाली आहे. या महिन्यातील हा 9 वा दहशतवादी हल्ला होता. (A terrorist attack has taken place in Pulwama, Jammu and Kashmir)