नवी दिल्ली: 500 रुपयांच्या बनावट नोटांसंबंधातील (Fake notes) पोस्ट (Post) सोशल मिडीयावर (Social media) व्हायरल होत आहे. या नोटांमध्ये हिरव्या स्ट्रिप आरबीआयच्या (RBI) गव्हर्नरच्या स्वाक्षरी जवळ नसून ती महात्मा गांधीच्या (Mahatma Gandhi) चित्राजवळ आहे. ती नोट बनावट असल्याचे सांगितले जात आहे. पण अशा बनावट आणि दिशाभूल करणाऱ्या बातम्यांमुळे जनतेत संभ्रम निर्माण झाला आहे. २०१६ च्या नोटाबंदीनंतर भारतीय चलनात २ हजार ते १०० रुपयांपर्यंतच्या नवीन नोटा चलनात आल्या आहेत.

बनावट दावे फेटाळून लावत प्रेस इन्फॉर्मेशन ब्युरोने तपासणी केल्यानंतर म्हणले आहे. रिझर्व्ह बँक ऑफ इंडियाच्या (आरबीआय) तपशिलानुसार ५०० रुपयांच्या या दोन्ही प्रकारच्या नोटा वैध आहेत. त्यामुळे ही ग्रीन स्ट्रिप कोठेही असली तरी दोन्ही प्रकारच्या नोटा चालू शकतील.

सरकारने नोटाबंदीच्या वेळी जुन्या नोटा बँकेत जमा करुन नवीन नोटा चलनात आणल्या, त्याचा रंग, आकार वैशिष्टे, डिझाईन यामध्ये वेगळेपणा आहे. सध्या आरबीआय २, ५, १०, २० रुपये तसेच ५०, १००, २००, ५०० आणि २००० रुपयांच्या नोटा चलनात आहेत. त्या ५० पैसे १ रुपया २ रुपये, ५ रुपये, १० रुपये आणि २० रुपयांची नाणी देखील आहेत.