फूड डिलिव्हरी प्लॅटफॉर्म झोमॅटोने सोमवारी जाहीर केले की ते लवकरच 10 मिनिटांत अन्न वितरण सेवा सुरू करणार आहे. या सेवेबाबत झोमॅटोचे संस्थापक दीपेंद्र गोयल यांनी ट्विटरवर सांगितले की, याबाबत कर्मचाऱ्यांवर कोणताही दबाव निर्माण केला जाणार नाही.

दीपेंद्र गोयल यांनी सांगितला कंपनीचा संपूर्ण प्लॅन!

दीपेंद्र म्हणाले, “ग्राहकांकडून त्यांच्या गरजा पूर्ण करण्यासाठी जलद डिलिव्हरी मागितला जात आहे. ग्राहकांना जास्त वेळ थांबायला वेळ नसतो.' गोयल पुढे म्हणतात, 'झोमॅटोकडून (Zomato) सरासरी डिलिव्हरी देण्याची वेळ 30 मिनिटे आहे जी खूपच कमी आहे.'

10-मिनिटा डिलिव्हरी दिल्यावर दीपेंद्र गोयल म्हणतात की प्रत्येक स्टेशन मागणी अंदाज आणि हायपरलोकल प्राधान्याच्या आधारावर वेगवेगळ्या रेस्टॉरंटमध्ये (Restaurant) 20 ते 30 सर्वोत्तम विक्री करणाऱ्या वस्तूंची यादी केली जाईल.

दीपेंद्र म्हणाले की, या नवीन सेवेबाबत डिलिव्हरी करणाऱ्या मुलांवर कोणताही दबाव राहणार नाही. तसेच उशीरा डिलिव्हरी देणाऱ्या मुलांवर दंड आकाराला जाणार नाही. तसेच, वेळेवर वितरित करण्यासाठी कंपनीकडून कोणतीही भेट दिली जाणार नाही.

सोशल मीडियावर टीका

झोमॅटोच्या 10 मिनिटांच्या सेवेवर सोशल मीडियावर (Social media) टीका होत आहे. त्यानंतर झोमॅटोचे संस्थापक दीपेंद्र गोयल यांनी या सेवेची संपूर्ण माहिती स्पष्ट केली आहे. त्यांनी असेही स्पष्ट केले की झोमॅटो आपल्या वितरण दारांना रस्ता सुरक्षेबद्दल शिक्षित करत आहेत. तसेच जीवन विमाही दिला जात आहे.