मायक्रोसॉफ्टचे (Microsoft CEO) सीइओ सत्या नडेला (Satya Nadella) यांचा मुलगा झैन नडेला (Zain Nadella) यांचे सोमवारी सकाळी निधन झाले. सॉफ्टवेअर निर्मात्याने आपल्या अधिकाऱ्यांना ईमेलद्वारे ही माहिती दिली. सत्य नडेला आणि त्यांची पत्नी अनु यांचा मुलगा झैन नडेला याने 26 व्या वर्षी अखेरचा श्वास घेतला आहे. झैन नडेला जन्मता: चा सेरेब्रल पाल्सी (Cerebral Palsy) या आजाराने ग्रस्त होता.

सत्या नडेला यांनी 2014 मध्ये मायक्रोसॉफ्टच्या सीइओ पदाचा कारभार हाती घेतला. नडेला यांनी त्यानंतर दिव्यांग वापरकर्त्यांना अधिक चांगल्या प्रकारे सेवा देण्यासाठी साधने डिझाईन करण्यावर अधिक भर दिला. मुलगा झेनचे संगोपन करण्यासाठी त्यांनी शिकलेल्या धड्यांचा उल्लेख केला आहे. गेल्या वर्षी Children’s Hospital मध्ये झेनचे उपचार झाले. नंतर Seattle Children’s Center for Integrative Brain Research मदतीने नडेला यांनी Pediatric Neurosciences मध्ये झेन नडेला एंडॉव्ड चेअर बनवली होती. सत्या नडेला यांना यंदा 'पद्म भूषण' पुरस्काराने गौरव करण्यात आला होता.

सेरेब्रल पाल्सी (cerebral palsy) हा आजार लहान मुलांमध्ये जन्मत: च आढळून येतो. या आजारामध्ये स्नायू कमजोर असतात. यामुळे शारीरिक हालचाल देखील करता येत नाही. जगात दरवर्षी सुमारे 30, 000 मुलांमागे 3 मुले या आजाराने ग्रस्त आहेत. या आजाराबद्दल जनजागृती करण्यासाठी 6 ऑक्टोबर हा दिवस जागतिक सेरेब्रल पाल्सी दिन म्हणून साजरा केला जातो.