कोरोना काळामध्ये अनेकांना घरून काम मिळाले होते. जसजसा कोरोना विषाणूचा प्रभाव कमी झाला तसतसा लोकांचा ऑफिसकडे येण्याचा वेध वाढला. तरीही जर तुम्ही तुमचे काम घरून म्हणजे वर्क फ्रॉम होम (work from home) करू इच्छिता, तर तुमच्यासाठी एक महत्त्वाची बातमी आहे. वाणिज्य मंत्रालयाने विशेष आर्थिक क्षेत्र (SEZ) युनिट्समध्ये असलेल्या आयटी/ आयटीईएस (IT/ITeS) कंपन्यांच्या 100 टक्के कर्मचाऱ्यांना काही अटींवर 31 डिसेंबर 2023 पर्यंत वर्क फ्रॉम होम करण्याची परवानगी दिली आहे. याबाबतची अधिसूचना वाणिज्य मंत्रालयाने जारी केली आहे.
मंत्रालयाच्या अधिसूचनेनुसार, “एखादे युनिट त्यांच्या सर्व कर्मचार्‍यांना घरून किंवा SEZ क्षेत्राबाहेरून कोणत्याही ठिकाणी काम करण्याची परवानगी देऊ शकते.” याआधी SEZ मध्ये जास्तीत जास्त एक वर्ष वर्क फ्रॉम होमची परवानगी होती आणि एकूण कर्मचार्‍यांपैकी कमाल 50 टक्क्यांपर्यंत वाढवण्यासाठी परवानगी होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.