Whatsapp New Update For Group : मेटा-मालकीचे इन्स्टंट मेसेजिंग अॅप व्हॉट्सअॅप आपल्या वापरकर्त्यांना नवीन वैशिष्ट्ये देण्यासाठी सतत विविध बदल करत आहे. आता व्हॉट्सअॅप ग्रुपमध्ये मोठा बदल करणार आहे. व्हॉट्सअॅप आता ग्रुपमधील सदस्यांची मर्यादा वाढवणार आहे. या अपडेटनंतर व्हॉट्सअॅप ग्रुपमध्ये तब्बल 1024 सदस्य जोडता येतील.

या वर्षी मे महिन्यात व्हॉट्सअॅपमधील ग्रुप सदस्यांची संख्या बदलताना 256 सदस्यांवरून 512 सदस्य करण्यात आली होती. आता व्हॉट्सअॅप हा आकडाही दुप्पट करण्याचा विचार करत आहे. WABetaInfo च्या रिपोर्टनुसार, WhatsApp ने सध्या हे फीचर बीटा टेस्टर्सपुरते मर्यादित केले आहे. लवकरच हे फीचर इतर युजर्ससाठी उपलब्ध करून दिले जाणार आहे . असा दावाही केला जात आहे की व्हॉट्सअॅप 2GB पर्यंतच्या फाइल्स शेअर करण्यासाठी अपडेट जारी करणार आहे.

whatsapp प्रीमियम

व्हॉट्सअॅपने बिझनेस अॅपच्या वापरकर्त्यांसाठी व्हॉट्सअॅप प्रीमियम सबस्क्रिप्शन देखील सुरू केले आहे. व्हॉट्सअॅप प्रीमियमचे अपडेट बीटा वापरकर्त्यांसाठी जारी करण्यात आले आहे. बीटा वापरकर्ते त्यांच्या अॅपमध्ये प्रीमियम मेनू पाहू शकतात. वापरकर्त्यांना प्रीमियम मेनूमध्ये अनेक अतिरिक्त वैशिष्ट्ये मिळतील.