Things to Avoid while ITR Filling: आई-वडील, भावंड अशा जवळच्या नातेवाईकांच्या नावे खोट्या भाड्याच्या पावत्या बनवून डिडक्शन क्लेम करणाऱ्यांना आणि गृहकर्जाच्या व्याजावर दुप्पट डिडक्शन क्लेम करणाऱ्यांना नोटिसा बजावण्यात आल्या आहेत.

एग्जेम्प्शन क्लेमचा दावा करण्यासाठी पुरावा म्हणून कागदपत्रे सादर करण्यास सांगितले आहे. आयकर कायद्याच्या कलम 10 (13A) अंतर्गत, पगारदार व्यक्ती घर भाडे भत्ता (HRA) वर कर सूट मागू शकते.

यासाठी ती व्यक्ती ज्या घरामध्ये राहत आहे त्याचे भाडे भरत असेल आणि त्याला कंपनीकडून एचआरए मिळणे आवश्यक आहे.

लोक कसे गोंधळतात?

कर तज्ज्ञ सांगतात की ज्यांचे स्वतःचे घर आहे आणि त्यात राहतात, असे लोक कंपनीला म्हणजे मालकाला बनावट भाड्याची पावती देऊन एचआरएचा दावा करतात.

याशिवाय, एका वर्षात 1 लाखांपेक्षा जास्त भाडे भरण्यासाठी घरमालकाचा पॅन क्रमांक द्यावा लागेतो. अशा प्रकरणांमध्ये, लोकांना ओळखीचा असा व्यक्ती सापडतो जो आयटीआर फाइल करत नसतो. यासाठी मगल त्याच्या पॅन नंबरचा वापर केला जातो.

बनावट कागदपत्रांच्या सहाय्याने कर वाचवण्याचा हा प्रकार आता आणखी वाढला आहे.

त्रुटी कशी पकडली जाते?

आयकर विभाग करचोरी पकडण्यासाठी आर्टिफिशियल इंटेलिजन्स (AI) आणि डेटा मायनिंगचा वापर करत आहे.

विविध स्त्रोतांकडून गोळा केलेला डेटा आयटीआरमध्ये दिलेल्या तपशीलांशी जुळवला जातो. अशा परिस्थितीत, जर एखाद्या व्यक्तीने करमाफीसाठी भाड्याची पावती जोडली असेल किंवा घरमालकाचा पॅन क्रमांक दिला असेल, परंतु घरमालकाने त्याच्या रिटर्नमध्ये भाड्याचे उत्पन्न दाखवले नसेल, तर ही बाब त्वरित पकडली जाते.

गृह कर्जांमध्ये अशी होते करचोरी

बनावट एचआरए व्यतिरिक्त, गृहकर्जाच्या व्याजावर दुप्पट कपातीचा दावा करणाऱ्यांनाही नोटीसा पाठवण्यात आल्या आहेत.

आयकर विभागाला असे आढळून आले आहे की बरेच लोक कलम 24 अंतर्गत गृहकर्जाच्या व्याजावर वार्षिक 2 लाख रुपयांपर्यंतच्या कपातीचा दावा करतात.

दुसरीकडे, घर विकल्यावर, प्रकरण VI A अंतर्गत खरेदीच्या खर्चात व्याजाची किंमत दाखवून वजावट घेतली जाते. यामुळे मालमत्तेचे मूल्य वाढते आणि कर कमी होतो. अशा प्रकारे गृहकर्जाच्या व्याजावर दोनदा कपात केली जात आहे.

आयकर कायद्याच्या कलम 133(6) अंतर्गत, प्राप्तिकर अधिकारी कोणत्याही व्यवहाराबद्दल माहिती विचारू शकतात. काही विसंगती आढळल्यास, तुम्हाला कर भरण्यास सांगू शकता.

करचुकवेगिरीची पुष्टी झाल्यास दंड आणि तुरुंगवास होऊ शकतो. इतकेच नाही तर अनेक कंपन्या हे प्रकरण गांभीर्याने घेत असल्याने नोकरीही जाऊ शकते.

तुम्ही पालकांना भाडे दिल्यावर HRA चा दावा करू शकता, परंतु तुमच्याकडे भाड्याचा भक्कम पुरावा असणे आवश्यक आहे. जर तुम्ही बनावट बिल किंवा पावतीच्या मदतीने कर वाचवत असाल तर सावधगिरी बाळगा, अन्यथा पुढील क्रमांक तुमचा असू शकतो.