Nirmala Sitharaman Hospitalised : देशाच्या केंद्रीय अर्थमंत्री निर्मला सीतारामन यांना सोमवारी दिल्लीतील एम्स रुग्णालयात दाखल करण्यात आले आहे. सीतारामन यांना रुग्णालयाच्या खासगी वॉर्डमध्ये ठेवण्यात आल्याचे सांगण्यात आले. 63 वर्षीय सीतारामन यांना दुपारी 12 च्या सुमारास रुग्णालयात नेण्यात आले.

पीटीआय वृत्तसंस्थेने याबाबत माहिती दिली आहे. केंद्रीय अर्थमंत्री निर्मला सीतारामण यांची प्रकृती अचानक खालावली त्यानंतर त्यांना एम्स रुग्णालयात दाखल करण्यात आलं आहे. त्यांच्यावर सध्या उपचार सुरु आहेत.

तसेच त्यांची तब्बेत सध्या गंभीर नाही. त्या ठीक आहे. त्यांना रुग्णालयात का दाखल करण्यात आले हे लगेच स्पष्ट झाले नाही. रॉयटर्सने अर्थ मंत्रालयाशी संपर्क साधण्याचा प्रयत्न केला परंतु त्यांच्याकडून कोणताही प्रतिसाद मिळाला नाही.