आठवड्याच्या पहिल्याच दिवशी भारतीय शेअर बाजार तेजी पाहायला मिळाली. सेन्सेक्स 200 अंकानी वधारला तर निफ्टीमध्ये 55 अंकानी वधारला. पण, थोड्याच वेळात सेन्सेक्समध्ये घसरण दिसून आली. त्यानंतर काही वेळेतच बाजार पुन्हा सावरल्याचे दिसून आले आहे. बाजारातील व्यवहाराला सुरुवात होताच टाटा स्टीलच्या शेअरमध्ये घसरण झाली तर टाटा स्टीलमध्ये 10 टक्क्यांनी घसरत लोअर सर्किट लागला आहे. (Share Market Updates News)

शेअर बाजार (Share Market) सुरू होताच सेन्सेक्स आणि निफ्टीमध्ये घसरण दिसून आली. सकाळी 9.40 वाजण्याच्या सुमारास सेन्सेक्स 41.72 अंकांनी घसरला होता. सेन्सेक्स 54,282.92 अंकावर व्यवहार करत होता. तर, निफ्टीमध्ये 15 अंकाची घसरण झाली असून 16249.95 अंकावर व्यवहार करत होता.

सेन्सेक्समधील 30 पैकी 19 कंपन्यांच्या शेअर दरात तेजी असल्याचे दिसून येत आहे. तर, 11 कंपन्यांच्या शेअर दरात घसरण झाली आहे. बाजारात बँकिंग, ऑटो, फार्मा क्षेत्रातील कंपन्यांच्या शेअर तेजीत दिसत आहे. तर, मेटल, एनर्जी, मीडिया आणि एफएमसीजी क्षेत्रात घसरण झाल्याचे दिसत आहे.