जागतिक बाजारात सतत होत असलेल्या तेजीमुळे आज देशांतर्गत शेअर बाजारातही (Share Market) तेजी पाहायला मिळत आहे. बाजारात सतत होत असेल्या खरेदीमुळे सेन्सेक्सने (Sensex) 60,600च्या वर पोहोचला आहे. तर दुसरीकडे निफ्टीने (Nifty) देखील 18100 चा टप्पा पार केला आहे. सध्या सेन्सेक्स 300 अंकांच्या वाढीसह 60584 च्या पातळीवर व्यवहार करत आहे. त्याचबरोबर निफ्टीत देखील 110 अंकांची वाढ केली आहे. सलग पाचव्या दिवशी बाजारात तेजीचा कल आहे. बाजारात तेजीमुळे गुंतवणूकदारांच्या संपत्तीत बुधवारी 1.44 लाख कोटी रुपयांची वाढ झाली आहे. (Share Market on high Sensex crossed 60 thousand point)

BSE सेन्सेक्सचा विचार करता M&M ही कंपनी सर्वात जास्त तेजीत दिसत आहे,या कंपनीचा शेअर 4 टक्क्यांहून अधिक वाढला आहे. तर दुसरीकडे पॉवरग्रीड, भारती एअरटेल, एल अँड टी, आयसीआयसीआय बँक आणि अॅक्सिस बँकेच शेअरच्या किंमती कमी झाल्या आहेत . तर नेस्ले इंडिया, एचयूएल, एचसीएल टेक, एसबीआय आणि टाटा स्टीलकही घसरला आहे.

गुंतवणूकदारांची संपत्तीत 5 दिवसांत 6.75 लाख कोटींनी वाढ

शेअर बाजारातील या तेजीमुळे गुंतवणूकदारांच्या भांडवलामध्ये 7,54,057.31 कोटी रुपयांची वाढ झाली आहे. या पाच ट्रेडिंग सत्रांमध्ये बीएसई नोंदणीकृत कंपन्यांचे बाजार भांडवल 7,54,057.31 कोटी रुपयांनी वाढून 2,69,74,604.36 कोटी रुपये झाले आहे.बीएसईचाच्या शेअरचा सेन्सेक्स मंगळवारी 148.53 अंकांनी वाढून 60,284.31 या नव्या उच्चांकावर पोहोचला आहे . तर मागील चार दिवसात सेन्सेक्समध्ये 1,094.58 अंकांची वाढ झाली आहे.

2022 मध्ये भारतीय अर्थव्यवस्था जगात सर्वात वेगाने वाढेल

दरम्यान IMF ने चालू आर्थिक वर्षासाठी भारताच्या विकास दराचा अंदाज 9.5 टक्के ठेवला आहे. तर पुढील वर्ष 2022 साठी, तसेच भारत जगातील सर्वात वेगवान अर्थव्यवस्था असेल असा अंदाज IMF ने व्यक्त केला आहे. भारताचा वेगवान आर्थिक विकास दर असेल, तो 8.5 टक्क्यांपर्यंत पोहोचू शकतो. तर अमेरिकेतून हा दर 5.2 टक्क्यांपर्यंत राहू शकतो. अहवालानुसार, 2026-27 या आर्थिक वर्षापर्यंत भारतीय अर्थव्यवस्था 6.1 टक्के दराने वाढत राहील.