सेन्सेक्समधील (Sensex) टॉप 10 कंपन्यांपैकी सात कंपन्यांचे बाजार भांडवल (Market Cap) गेल्या आठवड्यात रु. 1,29,047.61 कोटींनी वाढले आहे. मार्केटमध्ये (Share Market) टाटा कन्सल्टन्सी सर्व्हिसेसला (TCS) या काळात सर्वात जास्त फायदा झाला आहे . गेल्या आठवड्यात, बीएसईचा (BSE) 30 शेअर्सचा सेन्सेक्स 589.31 अंकांनी वाढला आहे. टीसीएस, एचडीएफसी बँक, इन्फोसिस, हिंदुस्थान युनिलिव्हर, एचडीएफसी, बजाज फायनान्स आणि स्टेट बँक ऑफ इंडिया यांचे बाजार भांडवल वाढताना दिसून आले. त्याच वेळी, या कालावधीत रिलायन्स इंडस्ट्रीज, आयसीआयसीआय बँक आणि भारती एअरटेलचे बाजार मूल्य घटले.(Share Market: Market Cap for these 7 companies from Sensex reach on 1.29 lakh crore)

त्याचप्रमाणे बजाज फायनान्सचे बाजार भांडवल 16,082.77 कोटी रुपयांनी वाढून 4,26,753.27 कोटी रुपये तर HDFC बँकेचे बाजार भांडवल 12,744.21 कोटी रुपयांनी वाढून 8,38,402.80 कोटी रुपये झाले.

आठवडाभरात एचडीएफसीचे बाजारमूल्य 5,393.86 कोटी रुपयांनी वाढून 5,01,562.84 कोटी रुपयांवर पोहोचले आहे. तर देशाची सर्वात मोठी सरकारी बँक स्टेट बँक ऑफ इंडियाचे मूल्यांकन 2,409.65 कोटी रुपयांनी वाढून 4,22,312.62 कोटी रुपयांवर पोहोचले आहे. हिंदुस्तान युनिलिव्हरने अहवालानुसार मागील आठवड्यात कंपनीने 1,961.91 कोटी नफा कमावला आणि कंपनीचे बाजार भांडवल आता रु. 5,50,532.73 कोटींवर पोहोचले आहे.

तर दुसरीकडे भारती एअरटेलचे बाजारमूल्य 10,489.77 कोटी रुपयांनी घसरून 3,94,519.78 कोटी रुपये झाले आहे. ICICI बँकेचे बाजारमूल्य रु. 3,686.55 कोटींनी घसरून रु. 4,97,353.36 कोटी झाले तर रिलायन्स इंडस्ट्रीजचे बाजारमूल्य रु. 2,537.34 कोटींनी घसरून रु. 15,27,572.17 कोटी रुपयांवर आले आहे.