Sovereign Gold Bond Scheme Dainik Gomantak
अर्थविश्व

Sovereign Gold Bond Scheme: सरकार संधी देतेय, सोडू नका! गोल्ड बॉंडमध्ये गुंतवणूक करा आणि मिळवा भरघोस नफा

सरकारच्या सॉवरेन गोल्ड बाँड (SGB) या योजनेंतर्गत सोन्यात बाजारापेक्षा कमी किमतीत गुंतवणूक करता येते. तसेच सरकार गुंतवणुकीच्या सुरक्षिततेची हमीही देते.

Ashutosh Masgaunde

सॉवरेन गोल्ड बाँड योजनेचा (SGB) 2023-24 पहिला टप्पा सोमवार, 19 जून पासून गुंतवणुकीसाठी खुला झाला आहे. सरकारने सॉवरेन गोल्ड बाँड अंतर्गत सोन्याची इश्यू किंमत 5,926 रुपये प्रति ग्रॅम निश्चित केली आहे.

वित्त मंत्रालयाने शुक्रवारी एका निवेदनात सांगितले की, हा टप्पा 19-23 जून या कालावधीत सबस्क्रिप्शनसाठी खुला असेल आणि 27 जून रोजी त्याचे सेटलमेंट केले जाईल. चालू आर्थिक वर्षाच्या पहिल्या सहामाहीत सॉवरेन गोल्ड बाँडचे दोन हप्ते जारी करण्याचा निर्णय घेण्यात आला आहे. सुवर्ण रोख्यांची दुसरी मालिका 11 ते 15 सप्टेंबर दरम्यान जारी केली जाईल.

सरकारने सुरू केलेला हा विशेष उपक्रम आहे. सोन्याची भौतिक मागणी कमी करण्याच्या उद्देशाने, सरकारी गोल्ड बाँड योजना नोव्हेंबर 2015 मध्ये प्रथम सुरू करण्यात आली. सरकारच्या या योजनेंतर्गत सोन्यात बाजारापेक्षा कमी किमतीत गुंतवणूक करता येते. त्यात केलेल्या गुंतवणुकीच्या सुरक्षिततेची हमी सरकार देते.

किंमत कशी ठरवली जाते?

SGB ​​योजनेचा थेट उद्देश सोन्याची मागणी कमी करणे हा आहे. गोल्ड बाँडची इश्यू किंमत इंडियन बुलियन अँड ज्वेलर्स असोसिएशन लिमिटेड (IBJA) द्वारे 999 शुद्धतेच्या सोन्याच्या बंद किंमतीवर आधारित निर्धारित केली जाते.

सोप्या भाषेत सांगायचे तर, सबस्क्रिप्शन कालावधीच्या आधीच्या आठवड्याच्या शेवटच्या तीन ट्रेडिंग दिवसांसाठी IBJA द्वारे जारी केलेल्या 999 शुद्धतेच्या सोन्याच्या आधारावर गोल्ड बाँडच्या किमती ठरवल्या जातात.

सवलत मिळवा

या योजनेअंतर्गत, सरकार केवळ बाजारभावापेक्षा स्वस्त सोन्याची विक्री करत नाही, तर जे गुंतवणूकदार गोल्ड बाँडसाठी ऑनलाइन अर्ज करतात आणि डिजिटल माध्यमातून पेमेंट करतात त्यांनाअतिरिक्त सवलत दिली जाते. अशा परिस्थितीत त्यांची गुंतवणूक अधिक फायदेशीर ठरते. SGB साठी ऑफलाइन पेमेंट रोख (जास्तीत जास्त 20,000 रुपये), डिमांड ड्राफ्ट, चेकद्वारे केले जाऊ शकते.

गोल्ड बाँड कोठे खरेदी करू शकतो?

भारत सरकारच्या वतीने रिझर्व्ह बँक ऑफ इंडिया (RBI) हे गोल्ड बाँड जारी करते. हे गोल्ड बाँड बँका (लहान वित्त बँका आणि पेमेंट बँका वगळून), स्टॉक होल्डिंग कॉर्पोरेशन ऑफ इंडिया लिमिटेड, नामांकित पोस्ट ऑफिस आणि मान्यताप्राप्त स्टॉक एक्सचेंज जसे की नॅशनल स्टॉक एक्स्चेंज ऑफ इंडिया लिमिटेड (NSE) आणि बॉम्बे स्टॉक एक्सचेंज लिमिटेड (BSE) द्वारे विकले जातात.

एका वेळी किती गोल्ड बाँड खरेदी करता येतील?

सॉवरेन गोल्ड बाँड योजनेत, एखादी व्यक्ती एका आर्थिक वर्षात जास्तीत जास्त 500 ग्रॅम सोन्याचे रोखे खरेदी करू शकते, तर खरेदीदार किमान एक ग्रॅम सोन्यात गुंतवणूक करू शकतो.

याशिवाय, कोणत्याही एका आर्थिक वर्षात सॉवरेन सुवर्ण बाँड योजनेअंतर्गत जास्तीत जास्त 4 किलो सोने खरेदी करता येते. ही मर्यादा अविभाजित हिंदू कुटुंबे आणि ट्रस्टसाठी 20 किलो इतकी निश्चित करण्यात आली आहे. विशेष म्हणजे सरकार वेळोवेळी त्यात बदल करू शकते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT