Royal Enfield Meteor 350 Launch: रॉयल एनफील्डने आपल्या लोकप्रिय क्रूझर बाईक 'मीटिओर 350' ला भारतीय बाजारपेठेत अपडेटेड डिझाइन आणि नवीन फीचर्ससह लॉन्च केले. बाईकची सुरुवातीची किंमत 1.96 लाख (एक्स-शोरुम) ठेवण्यात आली आहे. 2025 मध्ये आलेल्या या बाईकमध्ये कंपनीने पहिल्यांदाच इतके मोठे बदल केले आहेत. 2020 मध्ये पहिल्यांदा लॉन्च झाल्यापासून मीटिओर 350 ने जगभरात पाच लाखाहूंन अधिक युनिट्सची विक्री करुन एक मजबूत ग्राहक वर्ग तयार केला आहे. या नवीन अपडेट्ससह कंपनीने बाईकला अधिक आधुनिक आणि आकर्षक बनवण्याचा प्रयत्न केला.
मीटिओर 350 चार व्हेरिएंट्समध्ये उपलब्ध आहे. जसे की, फायरबॉल, स्टेलर, ऑरोरा आणि सुपरनोवा. प्रत्येक व्हेरिएंटची किंमत खालीलप्रमाणे आहे.
फायरबॉल: ₹1,96,252 (एक्स-शोरुम)
स्टेलर: ₹2,03,419 (एक्स-शोरुम)
ऑरोरा: ₹2,06,290 (एक्स-शोरुम)
सुपरनोवा: ₹2,15,883 (एक्स-शोरुम) हा टॉप मॉडेल आहे.
ग्राहकांना (Customers) त्यांच्या गरजेनुसार आणि बजेटनुसार व्हेरिएंट निवडण्याची संधी यामुळे मिळते. बाईकची बुकिंग सुरु झाली असून डिलिव्हरी 22 सप्टेंबर 2025 पासून सुरु होणार आहे.
रॉयल एनफील्डने नवीन लाइन-अपला अधिक आकर्षक बनवण्यासाठी कलर आणि डिझाइनवर विशेष लक्ष केंद्रित केले आहे.
सुपरनोवा: हे मॉडेल मॉडर्न कलर पॅलेट आणि क्रोम डिटेलिंगसह येते, जे त्याला प्रीमियम लूक देते.
ऑरोरा: हेरिटेज कलर्ससह उपलब्ध आहे, ज्यामुळे त्याला एक विंटेज आणि क्लासिक फील येतो.
स्टेलर: डार्क आणि सिंपल कलर्समुळे या व्हेरिएंटला लो-की (Low-Key) आणि स्टायलिश लूक मिळतो.
फायरबॉल: जास्त आणि व्हायब्रंट कलर्समुळे हे मॉडेल तरुण रायडर्संना आकर्षित करते.
हे बदल बाईकला पूर्णपणे रीडिझाइन करत नसून तिच्या मूळ शैलीला कायम ठेवून तिला अधिक आकर्षक बनवण्यासाठी केले आहेत.
नवीन डिझाइनसोबतच बाईकच्या फीचर्समध्येही मोठे बदल करण्यात आले आहेत, ज्यामुळे रायडिंगचा अनुभव अधिक सुखद होतो. सर्व व्हेरिएंट्समध्ये आता स्टँडर्ड म्हणून LED इंडिकेटर्स, USB टाइप-C फास्ट चार्जिंग पोर्ट आणि असिस्ट-अँड-स्लिप क्लच देण्यात आले आहे. याशिवाय, या बेस व्हेरिएंट्समध्ये आता स्टँडर्ड LED हेडलॅम्प्स आणि ट्रिपर नेव्हिगेशन पॉड देखील जोडले गेले आहेत. तसेच, ऑरोरा आणि सुपरनोवामध्ये ॲडजस्टेबल लीव्हर्सचे फीचर्स जोडले आहे, जे रायडरसाठी अधिक सोयीस्कर ठरते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.