अनिल अंबानींच्या (Anil Ambani) रिलायन्स कॅपिटल (Reliance Capital) लिमिटेडविरुद्ध गुरुवारी दिवाळखोरीची कारवाई सुरू करण्यात आली आहे. कर्जबुडव्या RCL विरुद्ध दिवाळखोरीची कार्यवाही सुरू करण्यासाठी भारतीय रिझर्व्ह बँकेने (RBI) राष्ट्रीय कंपनी कायदा न्यायाधिकरण (NCLT) कडून मंजुरी मागितली आहे. आरबीआयने एक निवेदन जारी करून यासंदर्भात माहिती दिली आहे.(RBI's action against Reliance)

रिझर्व्ह बँक ऑफ इंडियाने आपल्या निवेदनात म्हटले आहे की त्यांनी रिलायन्स कॅपिटल लिमिटेड विरुद्ध दिवाळखोरी आणि दिवाळखोरी संहिता (IBC) च्या विविध कलमांखाली NCLT च्या मुंबई खंडपीठासमोर CIRP सुरू करण्यासाठी अर्ज दाखल केला आहे. यामध्ये RBI ने RCL विरुद्ध दिवाळखोरी आणि दिवाळखोरी संहिता (IBC) च्या अनेक कलमांतर्गत कारवाई करण्यास मंजुरी मागितली आहे. आरबीआयने एनसीएलटीकडे अर्ज केल्याने, रिलायन्स कॅपिटलवर अंतरिम स्थगिती असेल. आणि यामध्ये, कर्जदार कंपनी आपली कोणतीही मालमत्ता हस्तांतरित किंवा विकू शकणार नाही.

उल्लेखनीय म्हणजे, 29 नोव्हेंबर रोजी आरबीआयने रिलायन्स कॅपिटलचे बोर्ड बरखास्त केले होते आणि त्यांच्या वतीने बँक ऑफ महाराष्ट्रचे माजी कार्यकारी संचालक नागेश्वर राव यांची प्रशासक म्हणून नियुक्ती करण्यात आली होती. दुसऱ्याच दिवशी मध्यवर्ती बँकेने प्रशासकाच्या मदतीसाठी तीन सदस्यीय पॅनेल देखील तयार केले होते. अनिल अंबानी यांच्या नेतृत्वाखालील आरसीएलवर कर्जाची देयके आणि कॉर्पोरेट गव्हर्नन्समध्ये चूक झाल्याचे अनेक गंभीर आरोप आहेत.