भारतीय अब्जाधीश रवी रुईया यांनी लंडनमध्ये 1200 कोटी रुपये किंमतीची (113 दशलक्ष युरो) आलिशान बंगला खरेदी केली आहे. हा बंगला रशियन गुंतवणूकदार आंद्रे गोंचारेन्को यांचा असल्याची माहिती समोर आली आहे.

रवी रुईया यांनी घेतलेला बंगला अलीकडच्या काळात लंडनमधील हा सर्वात मोठी प्रॉपर्टी डील झाली आहे. पार्क रोड येथील हॅनोव्हर लॉज येथे हा बंगला विकत घेतला आहे.

दोन वर्षांपूर्वीपर्यंत या बंगल्याची मालकी गोंचरेन्को यांच्याकडे होती. गोंचरेन्को हे रशियन राज्य ऊर्जा कंपनीची उपकंपनी असलेल्या गॅझप्रॉम इन्व्हेस्ट युगचे उप सीईओ आहेत. गोंचरेन्को यांनी मालमत्तेची उर्वरित भाडेपट्टी त्यांनी 2012 मध्ये कंझर्व्हेटिव्ह पक्षाचे नेते राजकुमार बागडी यांच्याकडून 120 दशलक्ष युरोमध्ये विकत घेतली.

सध्या या मालमत्तेचे बांधकाम सुरू आहे. कौटुंबिक कार्यालयासाठी गुंतवणुकीचा पर्याय म्हणून हा बंगला विकत घेतला आहे. रुईया कौटुंबिक कार्यालयाचे प्रवक्ते विल्यम रेगो यांनी याबाबत माहिती दिली असून, फायनान्शिअल टाईम्सने याबाबत प्रथम बातमी दिली होती.

लंडनमध्ये व्याजदर अधिक असल्याने लोकांना मोठ्या रकमेचे कर्ज घेता येत नाही. यामुळे महागडी घरे घेणे सामान्य लोकांच्या आवक्याबाहेर असते. कर्जावर कमी अवलंबून असणारे लोकच महागडी लंडनमध्ये घरे घेतात.

नाईट फ्रँकच्या अहवालातील माहितीनुसार, 30 दशलक्ष डॉलर्सपेक्षा जास्त संपत्ती असलेल्या जगातील सुमारे 17 टक्के लोकांनी गेल्या वर्षी किमान एक घर खरेदी केले आहे.