Chief Minister Bhagwant Singh Maan: मुख्यमंत्री भगवंत मान यांच्या नेतृत्वाखाली मंत्रिमंडळाने मंगळवारी राज्यातील 14,417 कर्मचाऱ्यांना आनंदाची बातमी दिली.
राज्य सरकारने (Government) अस्थायी कर्मचार्‍यांच्या कल्याणासाठी धोरण मंजूर केल्याने 14,417 कर्मचार्‍यांच्या सेवा नियमित करण्याचा मार्ग मोकळा झाला आहे. मुख्यमंत्र्यांच्या अध्यक्षतेखाली झालेल्या मंत्रिमंडळाच्या बैठकीत या संदर्भातील निर्णय घेण्यात आला.
मुख्यमंत्री कार्यालयाच्या प्रवक्त्याने सांगितले की, 13,000 कर्मचाऱ्यांच्या (Employees) सेवा यापूर्वीच नियमित करण्यात आल्या आहेत. पूर्वीच्या सरकारांनी 'गट सी' आणि 'ग्रुप डी' स्तरावरील पदांवर तात्पुरत्या आधारावर भरती केली होती. असे काही कर्मचारी 10 वर्षांहून अधिक काळ सेवेत आहेत.
या धोरणांतर्गत किमान 10 वर्षे अखंड कालावधीसाठी तदर्थ, कंत्राटी, वर्क चार्ज्ड किंवा तात्पुरत्या स्वरुपात काम करणाऱ्या कर्मचाऱ्यांना नियमित केले जाईल, असे प्रवक्त्याने सांगितले. विशेष संवर्गातील नियुक्तीवेळी अर्जदाराकडे नियमानुसार पदासाठी आवश्यक पात्रता आणि अनुभव असणे आवश्यक आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.