Power Bill: देशातील लोकांना महागाईचे झटके सतत जाणवत आहेत.अशातच या महागाईमध्ये वीज बिलाचे नाव देखील जोडले जाऊ शकते. आता आपली वीज बिले वाढू शकतात यासाठी जनतेने तयार राहावे, असे केंद्रीय ऊर्जामंत्र्यांनी सांगितले. मात्र, केंद्रीय मंत्र्याकडून प्रति युनिट वीज बिलात एक रुपयापेक्षा कमी वाढ झाल्याचे बोलले जात आहे. (Power ministry announcement live updates)

वीज शुल्क प्रति युनिट 60-70 पैशांनी वाढेल- केंद्रीय मंत्री आरके सिंह (R. K. Singh)

केंद्रीय ऊर्जा मंत्री(Ministry of Power) आरके सिंह म्हणाले की, वीजनिर्मिती केंद्रांना ब्लॅकआउट टाळण्यासाठी 10 टक्के आयात कोळसा मिसळण्यास सांगितले आहे. यामुळे वीज शुल्कात प्रति युनिट 60-70 पैशांनी वाढ होणार आहे. देशांतर्गत कोळशाचा पुरवठा वीज कंपन्यांची मागणी पूर्ण करू शकत नसल्याने वीज टंचाई टाळण्यासाठी हे करावे लागत असल्याचे आर के सिंग यांनी सांगितले.

विजेच्या वापरात 25 टक्क्यांनी वाढ झाली आहे

ऊर्जामंत्र्यांनी सांगितले की, "विजेच्या वापरात सुमारे 25 टक्क्यांनी वाढ झाली असून, गेल्या वर्षभरात कमाल मागणीही 15 टक्क्यांनी वाढली आहे. त्यामुळे देशांतर्गत कोळसा उत्पादन पुरेसे नसल्यामुळे ब्लॅकआउट टाळण्यासाठी आम्ही वीज प्रकल्पांना 10 टक्के आयातित कोळसा मिसळण्यास सांगितले आहे.आयातित कोळशाची किंमत 17,000-18,000 रुपये प्रति टन आहे, तर देशांतर्गत कोळशाची किंमत 2,000 रुपये प्रति टन आहे. त्यामुळे वीज शुल्क प्रति युनिट सुमारे 60-70 पैशांनी वाढेल."