October 2025 Bank Holidays: ऑक्टोबर महिना सण आणि उत्सवांनी भरलेला असल्याने या महिन्यात बँका अनेक दिवस बंद राहणार आहेत. गांधी जयंती, दसरा, दिवाळी आणि छठ पूजा यांसारख्या प्रमुख सणांमुळे बँकांच्या कामकाजावर मोठा परिणाम होणार आहे. व्यापारी वर्ग, छोटे उद्योजक आणि सर्वसामान्य ग्राहकांना यामुळे अडचणी येऊ शकतात.
ऑक्टोबर महिन्यात सार्वजनिक आणि प्रादेशिक सणांमुळे अनेक सुट्ट्या असतील. याव्यतिरिक्त, प्रत्येक महिन्याच्या दुसऱ्या आणि चौथ्या शनिवारी तसेच सर्व रविवारी बँका बंद असतात. बँका बंद असल्या तरी ग्राहकांना घाबरण्याची गरज नाही. कारण ऑनलाईन बँकिंग (Online Banking), मोबाईल बँकिंग, यूपीआय (UPI) आणि इतर डिजिटल सेवा या सुट्ट्यांच्या दिवशीही सुरळीत सुरु राहतील. परंतु, एटीएवर (ATM) गर्दी होण्याची शक्यता लोकांनी त्यांनी आपले आर्थिक नियोजन पहिल्यांदाच करणे आवश्यक आहे. भारतीय रिझर्व्ह बँक (RBI) ने ऑक्टोबर 2025 मधील बँक व्यवहारांसाठी बंद असलेल्या दिवसांची यादी जाहीर केली आहे.
सणांनुसार प्रमुख सुट्ट्या खालीलप्रमाणे आहेत:
1 ऑक्टोबर 2025: दसरा, आयुध पूजा, महानवमी/दुर्गा पूजा निमित्त बिहार, झारखंड, उत्तर प्रदेश, पश्चिम बंगाल, कर्नाटक, ओडिशा, तामिळनाडू, सिक्कीम आणि ईशान्येकडील अनेक राज्यांत बँका बंद राहतील.
2 ऑक्टोबर 2025: महात्मा गांधी जयंती आणि दसरा असल्याने हा राष्ट्रीय सुट्टीचा दिवस असेल. या दिवशी संपूर्ण देशभरात बँकांचे कामकाज बंद राहील.
20 ऑक्टोबर 2025: दिवाळी, नरक चतुर्दशी आणि काली पूजा या निमित्ताने गुजरात, त्रिपुरा, कर्नाटक, मध्य प्रदेश, महाराष्ट्र वगळता अनेक राज्यांत बँका बंद राहतील.
21 ऑक्टोबर 2025: दिवाळी अमावस्या (लक्ष्मी पूजन), गोवर्धन पूजा या निमित्ताने महाराष्ट्र, मध्य प्रदेश, ओडिशा, सिक्कीम, जम्मू आणि श्रीनगरमध्ये बँक बंद राहतील.
22 ऑक्टोबर 2025: दिवाळी, विक्रम संवत नववर्ष, गोवर्धन पूजा आणि बलिप्रतिपदा असल्याने महाराष्ट्र, गुजरात, कर्नाटक, उत्तर प्रदेश आणि बिहारसह अनेक राज्यांत बँकांना सुट्टी असेल.
23 ऑक्टोबर 2025: भाऊबीज, चित्रगुप्त जयंती, भ्रातृ द्वितीया या निमित्ताने बिहार, गुजरात, उत्तर प्रदेश, पश्चिम बंगाल आणि हिमाचल प्रदेशमध्ये बँका बंद राहतील.
27 आणि 28 ऑक्टोबर 2025: छठ पूजा असल्याने पश्चिम बंगाल, बिहार आणि झारखंड या राज्यांत बँका सलग दोन दिवस बंद राहतील.
याशिवाय, दुसरा आणि चौथा शनिवार तसेच रविवारच्या नियमित सुट्ट्या देखील ऑक्टोबर महिन्यात असतील. त्यामुळे ग्राहकांनी Customers) आपल्या रोख रकमेच्या गरजा आणि महत्त्वाचे बँक व्यवहार वेळेवर पूर्ण करून घ्यावेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.