Mukesh Ambani Latest News: रिलायन्स इंडस्ट्रीजचे चेअरमन मुकेश अंबानी भारतीय अर्थव्यवस्थेची वाढ पाहून खूप उत्साहित आहेत. आज पंडित दीनदयाळ एनर्जी विद्यापीठाच्या 10 व्या दीक्षांत समारंभात ते म्हणाले की, आजचा काळ हा विद्यार्थ्यांचा आहे. 2047 पर्यंत भारताची अर्थव्यवस्था $3 ट्रिलियन वरुन $40 ट्रिलियन पर्यंत वाढेल.'

3 घटकांकडे लक्ष द्या

दीक्षांत समारंभाला संबोधित करताना मुकेश अंबानी (Mukesh Ambani) म्हणाले की, 'येत्या दशकात भारताच्या विकासासाठी आपल्याला 3 घटकांवर लक्ष केंद्रित करावे लागेल. यामध्ये थिंक बिग, थिंक ग्रीन आणि थिंक डिजिटलवर लक्ष केंद्रित करावे लागेल. यासोबतच भारताला (India) अक्षय ऊर्जेचे पॉवर हाऊस बनवावे लागेल. यासोबतच आपल्याला क्लीन ऊर्जा, जैव ऊर्जा आणि डिजिटल ऊर्जा या माध्यमातून पुढे जायचे आहे.'

हे घटक भारताच्या विकासाचे कारक असतील

विद्यार्थ्यांना संबोधित करताना अंबानी पुढे म्हणाले की, 'क्लीन ऊर्जा आणि जैव उर्जेच्या माध्यमातून आपल्या सर्वांच्या जीवनात बरेच बदल होणार आहेत. यासोबतच ऊर्जा टिकून राहण्यासही मदत होईल. क्लीन ऊर्जा, जैव ऊर्जा आणि डिजिटल ऊर्जा हे भारताच्या विकासाचे कारक ठरतील.'

पुढच्या पिढीचीही काळजी घ्यावी लागेल

हरित ऊर्जेमुळे निसर्गाला चालना मिळेल आणि आपल्या भावी पिढ्यांसाठीही पृथ्वी क्लीन ठेवावी लागेल, जेणेकरुन त्यांनाही हरित ऊर्जा समजून घेता येईल आणि ती पुढे नेता येईल, असेही अंबानी म्हणाले.

मुकेश अंबानींनी विकासाचा मंत्र दिला

नंतर आपल्या विकासाचा मंत्र सांगताना अंबानी म्हणाले की, 'आपण सर्वांनी मोठा विचार केला पाहिजे. मोठी स्वप्ने पाहिली पाहिजेत. यासोबतच स्वप्नांचा पाठपुरावा धैर्याने, जिद्दीने आणि शिस्तीने केला पाहिजे, जेणेकरुन तुम्ही अशक्य गोष्टीही शक्य करुन दाखवू शकाल.'