LPG New Rate: व्यावसायिक सिलेंडरच्या किंमतीत पुन्हा एकदा मोठी कपात झाली आहे. तेल कंपन्यांनी एलपीजी गॅस सिलिंडरच्या दरात घट करण्यात आली आहे. १ जूनपासून म्हणजेच आजपासून एलपीजी सिलेंडरच्या दरात कपात करण्यात आली आहे.तब्बल १७२ रुपयांची घट केली आहे. यामुळे व्यावसायिकांना दिलासा मिळाला आहे. पण, घरगुती एलपीजी सिलेंडरच्या किंमतीत कोणताही बदल करण्यात आलेला नाही.

• घरगुती गॅस सिलिंडरच्या किमतीत बदल नाही

व्यावसायिक गॅस सिलिंडरच्या किमतीत घट झाली आहे. पण गेल्या काही महिन्यांपासून घरगुती एलपीजी गॅस सिलिंडरच्या किंमतीमध्ये कोणताही बदल झालेला नाही.

मार्च 2023 रोजी घरगुती सिलिंडरच्या किंमतीत बदल करण्यात आला होता. त्यामुळे आज घरगुती एलपीजी गॅस सिलिंडर मुंबईमध्ये 1102.5 रुपये, दिल्लीमध्ये 1103 रुपये, लेहमध्ये 1340, भोपाळमध्ये 1108.5, जयपूरमध्ये 1106.5, बंगळुरूमध्ये 1105.5 रुपये आणि श्रीनगरमध्ये 1219 रुपयांना खरेदी करावा लागत आहे.

• विमान प्रवास स्वत: होण्याची शक्यता

व्यावसायिक एलपीजी गॅस सिलिंडरच्या किमतींमध्ये घट करताना तेल कंपन्यांनी जेट इंधनाच्या किंमतीतही 1 जूनपासून नवे दर लागू केले. त्यामुळे जेट इंधनाच्या किंमतीत सुमारे 6,600 रुपयांची घट झाली आहे. यामुळेविमान प्रवास स्वत होउ शकतो.

• तेलाची किंमत कशी ठरवली जाते?

सरकारी तेल कंपन्या देशातील एलपीजीचे दर प्रत्येक महिन्यात ठरवले जातात. कच्च्या इंधनाच्या जागतिक दरांच्या आधारावर तेलाच्या किमती ठरवल्या जातात. त्यामुळे दर महिन्याला तेलाच्या किमती बदलल्या जातात.

कच्च्या तेलाच्या किमतीचा थेट परिणाम एलपीजीच्या किमतीवर होतो. याशिवाय FOB, वाहतूक, विमा, कस्टम ड्युटी आणि पोर्ट ड्युटी इत्यादी कारणांमुळे एलपीजीच्या किमतीही बदलतात. त्यामुळे https://Iocl.Com/Products/Indanegas.Aspx यावर वर क्लिक करून नवीन व्यावसायिक एलपीजी दर पाहू शकतात.