LPG Price Latest News: गॅस सिलिंडरच्या दरात सातत्याने वाढ होत आहे. गेल्या 2 वर्षांची आकडेवारी पाहता एलपीजीच्या किमतीत बंपर वाढ झाली असली तरी गॅस सिलिंडरच्या किमती कमी करण्याचा मोठा निर्णय केंद्र सरकारने घेतला आहे.

सरकारी तेल कंपन्या दर जारी करतात

गॅसचे वितरण इंडियन ऑइल कॉर्पोरेशन, भारत पेट्रोलियम कॉर्पोरेशन लिमिटेड आणि हिंदुस्तान पेट्रोलियम कॉर्पोरेशन लिमिटेड करते. मात्र गेल्या 2 वर्षांपासून सातत्याने दर वाढल्यानंतरही या कंपन्या तोटा सहन करुन गॅसचे वितरण करत आहेत.

महागड्या एलपीजीपासून दिलासा

पंतप्रधान मोदींच्या अध्यक्षतेखाली मंत्रिमंडळाची बैठक पार पडली. या बैठकीत सरकारी तेल कंपन्यांना 22 हजार कोटी रुपयांचे एकरकमी अनुदान देण्याचा निर्णय घेण्यात आला. त्यामुळे या कंपन्यांचा तोटाही भरुन निघणार असून, सर्वसामान्यांनाही महागड्या एलपीजीपासून दिलासा मिळणार आहे.

2 वर्षात 459 ची वाढ

दुसरीकडे, मोदी सरकारमधील (Modi Government) मंत्री अनुराग ठाकूर म्हणाले की, 'कंपन्यांवरील आर्थिक दबाव कमी करण्यासाठी आर्थिक मदत देण्याचा निर्णय घेण्यात आला आहे.' ऑक्टोबर 2020 पासून आत्तापर्यंत म्हणजे गेल्या 2 वर्षात गॅसच्या किमतीत 459 रुपयांनी वाढ झाली आहे.

आजचे दर तपासा

तसेच, 1 ऑक्टोबर 2020 रोजी राजधानी दिल्लीत (Delhi) 14.2 किलो गॅस सिलिंडरची किंमत 594 रुपये होती. याशिवाय कोलकात्यात 620.50 रुपये, चेन्नईमध्ये 610 रुपये आणि मुंबईत 594 रुपये होते. त्याच वेळी, जर आजच्या किमतींबद्दल बोलायचे झाल्यास, दिल्लीमध्ये 1053 रुपये, कोलकातामध्ये 1079 रुपये, मुंबईमध्ये (Mumbai) 1052.50 रुपये आणि चेन्नईमध्ये 168.50 रुपये आहे.