New Rules from October 1: पाच दिवसांनी नवा महिना सुरु होणार आहे. 1 ऑक्टोबरपासून सरकारकडून अनेक बदल केले जाणार आहेत, ज्याचा थेट परिणाम तुमच्या खिशावर होणार आहे. यामध्ये अल्पबचत योजनेपासून ते गॅस सिलिंडरच्या किमतीपर्यंत अनेक बदलांचा समावेश आहे. जाणून घेऊया 1 तारखेपासून कोणते नियम बदलणार आहेत.

अल्पबचत योजनेच्या व्याजदरात बदल होणार

अल्पबचत योजनेच्या व्याजदरांचे केंद्र सरकार (Central Government) दर 3 महिन्यांनी पुनरावलोकन करते. त्यामुळे सरकार लवकरच PPF, ज्येष्ठ नागरिक बचत योजना, सुकन्या समृद्धी योजनेत उपलब्ध व्याजाची रक्कम वाढवू शकते. केंद्र सरकार 30 सप्टेंबर रोजी नवीन व्याजदर जाहीर करु शकते, जे 1 ऑक्टोबरपासून लागू होऊ शकते.

टोकनायझेशन प्रणाली लागू केली जाईल

RBI 1 ऑक्टोबरपासून कार्ड-ऑन-फाइल टोकनायझेशन (CoF कार्ड टोकनायझेशन) नियम लागू करत आहे. टोकनायझेशन प्रणालीत बदल केल्यानंतर कार्डधारकांना अधिक सुविधा आणि सुरक्षा मिळेल, असे रिझर्व्ह बँक ऑफ इंडियाचे म्हणणे आहे. टोकनायझेशन प्रणाली लागू करण्याचा उद्देश ऑनलाइन बँकिंग फसवणूक रोखणे हा आहे.

गॅस सिलिंडरचे दर कमी होऊ शकतात

दर महिन्याच्या पहिल्या तारखेला गॅस सिलिंडरच्या (Gas Cylinder) दरांचा आढावा घेतला जातो. यावेळी गॅस सिलिंडरच्या दरात कपात होण्याची शक्यता आहे. नैसर्गिक वायूच्या किमती नरमल्याने त्यात घट होण्याची शक्यता आहे.

डिमॅट खात्याच्या नियमांमध्ये बदल होणार

जर तुम्हीही शेअर (Share) बाजारात पैसे गुंतवले तर 30 सप्टेंबरपासून नियमांमध्ये मोठे बदल होणार आहेत. डीमॅट खातेधारकांना 30 सप्टेंबर 2022 पर्यंत टू-फॅक्टर ऑथेंटिकेशन पूर्ण करावे लागेल, त्यानंतरच तुम्ही तुमच्या खात्यात लॉग इन करु शकाल. असे न केल्यास अकाउंट ओपन होणार नाही.

अटल पेन्शन योजनेच्या नियमांमध्ये बदल होणार

याशिवाय, 1 तारखेपासून कर भरणाऱ्या ग्राहकांना अटल पेन्शन योजनेचा लाभ घेता येणार नाही. सध्याच्या नियमांबद्दल सांगायचे झाल्यास, यावेळी 18 वर्षे ते 40 वर्षे वयोगटातील कोणतीही व्यक्ती या सुविधेचा लाभ घेऊ शकते. मग तो कर भरतो की नाही...