LPG Gas Cylinder Rules: सर्वसामान्यांसाठी मोठी बातमी. तुम्हीही गॅस सिलिंडर वापरत असाल तर जाणून घ्या, तुम्ही एका वर्षात किती सिलिंडर घेऊ शकता. त्याचे नवे नियम जारी करण्यात आले आहेत. तुम्ही एका वर्षात किती सिलिंडरसाठी अर्ज करु शकता जाणून घ्या.

सिलिंडरची निश्चित संख्या

आतापासून ग्राहकांसाठी एलपीजी (LPG) सिलिंडरची संख्या निश्चित करण्यात आली आहे. आतापासून कोणताही ग्राहक एका वर्षात केवळ 15 सिलिंडर बुक करु शकतो. म्हणजेच, आता तुम्ही एका वर्षात 15 पेक्षा जास्त सिलिंडर घेऊ शकणार नाही. त्याच वेळी, तुम्ही एका महिन्यात 2 पेक्षा जास्त सिलिंडर घेऊ शकत नाही.

ठराविक महिन्याचा कोटा

हे सिलिंडर घेण्यासाठी नवीन नियम करण्यात आले असून, आतापर्यंत सिलिंडर घेण्यासाठी काही महिने किंवा वर्षांचा कोटा निश्चित करण्यात आला नव्हता. मीडिया रिपोर्ट्सनुसार, एका वर्षात अनुदानित सिलिंडरची संख्या 12 झाली आहे, जर तुम्ही 15 सिलिंडर घेतले तर तुम्हाला फक्त 12 वर सबसिडी मिळेल.

ऑक्टोबरमध्ये नवीन दर जाहीर करण्यात आले

IOC नुसार, 1 ऑक्टोबरपासून गॅसच्या नवीन किमती जाहीर झाल्या आहेत, त्यानंतर दिल्लीत (Delhi) सिलेंडरची किंमत 1053 रुपये, मुंबईत (Mumbai) 1052.5 रुपये, चेन्नईमध्ये 1068.5 रुपये आणि कोलकातामध्ये 1079 रुपये आहे.