Indian Railways Latest News: ट्रेनने प्रवास करणाऱ्यांसाठी एक आनंदाची बातमी आहे. आतापासून करोडो प्रवाशांना तिकिटांवर सूट मिळणार आहे. याबाबतची माहिती रेल्वेकडून देण्यात आली आहे. विभागाकडून ट्रेनमध्ये महिलांना 50 टक्के आणि पुरुषांना 40 टक्के सवलत ज्येष्ठ नागरिक श्रेणीत मिळायची, पण कोरोनामुळे ती बंद झाली होती. परंतु आता नवीन नियमांनुसार रेल्वे कोणाला ट्रेन तिकिटावर सूट देत आहे ते जाणून घेऊया...

सवलत कोणाला मिळते?

रेल्वेकडून मिळालेल्या माहितीनुसार, यावेळी केवळ शेतकरी, दिव्यांग, विद्यार्थी, शहीदांच्या पत्नी, पुरस्कार विजेते आणि वैद्यकीय कारणांसाठी तिकिटे उपलब्ध आहेत. यामध्ये रुग्ण आणि विद्यार्थ्यांना 11 श्रेणींमध्ये आणि दिव्यांगांना 4 श्रेणींमध्ये लाभ मिळतो.

विद्यार्थ्यांना किती सवलत मिळते?

विद्यार्थ्यांना (Students) उपलब्ध असलेल्या सवलतीबद्दल बोलायचे झाल्यास, सामान्य श्रेणीतील विद्यार्थ्यांना स्लीपर क्लासमध्ये 50 टक्के सवलत मिळते. दुसरीकडे, एससी आणि एसटी श्रेणीतील विद्यार्थ्यांबद्दल बोलायचे झाल्यास, तर यांना 75 टक्के सवलत मिळते. त्याचवेळी, UPSC च्या मुख्य परीक्षेत बसलेल्या विद्यार्थ्यांना द्वितीय श्रेणीमध्ये 50 टक्के सवलत दिली जाते.

गंभीर आजाराच्या बाबतीत किती सूट मिळते?

रेल्वेने सांगितले की, गंभीर आजारांना सामोरे जाणाऱ्या प्रवाशांना ट्रेनच्या तिकिटात सवलत मिळते. थॅलेसेमिया, हृदय आणि किडनीचे आजार असलेल्या रुग्णांना स्लीपर, एसी चेअर कार, फर्स्ट क्लास आणि थर्ड क्लास प्रवाशांना 75 टक्के सवलत मिळते. त्याचवेळी, प्रवाशांना (Passengers) फर्स्ट आणि सेकंड एसी तिकिटांवर 50 टक्के सूट मिळते.

कर्करोगाच्या रुग्णांना किती सवलत मिळते?

याशिवाय कॅन्सरच्या समस्येचा सामना करणाऱ्या प्रवाशांनाही फर्स्ट क्लासमध्ये 75 टक्के सवलत मिळते. याशिवाय स्लीपर आणि थर्ड एसीची तिकिटे पूर्णपणे मोफत आहेत आणि सेकंड एसीवर 50 टक्के सूटही आहे.