India's Export July 2023: जुलै महिन्यात देशाच्या निर्यातीत घट झाली आहे. जागतिक पातळीवर मागणी कमी झाल्याचा परिणाम देशांतर्गत बाजारातही दिसून आला. यासह, पेट्रोलियम पदार्थ, दागिने आणि इतर प्रमुख क्षेत्रांच्या सुमार कामगिरीमुळे या वर्षी जुलै महिन्यात देशाची एकूण निर्यात 15.88 टक्क्यांनी घसरुन $32.25 अब्ज झाली आहे.
सोमवारी जाहीर झालेल्या अधिकृत आकडेवारीनुसार, समीक्षाधीन महिन्यात आयातही 17 टक्क्यांनी घसरुन $52.92 अब्ज झाली आहे, जी गेल्या वर्षी जुलैमध्ये $63.77 अब्ज होती. मागील वर्षीच्या याच महिन्यात 25.43 अब्ज डॉलर्सवरुन आयात कमी झाल्यामुळे व्यापार तूट $20.67 अब्ज झाली आहे.
आकडेवारीनुसार, चालू आर्थिक वर्षात एप्रिल-जुलै दरम्यान निर्यात 14.5 टक्क्यांनी घसरुन $136.22 अब्ज झाली आहे. समीक्षाधीन कालावधीत, आयात 13.79 टक्क्यांनी घटून $213.2 अब्ज झाली आहे.
वाणिज्य सचिव सुनील बर्थवाल म्हणाले की, जागतिक आव्हाने कायम आहेत. अमेरिका आणि युरोप सारख्या प्रमुख बाजारपेठांसह (Market) अनेक देशांच्या निर्यात आणि आयातीत घट झाली आहे. या दोन्ही क्षेत्रातून आयात सातत्याने कमी होत आहे.
तथापि, गेल्या आर्थिक वर्षातील 776 अब्ज डॉलरच्या तुलनेत 2023-24 मध्ये देशाची वस्तू आणि सेवांची निर्यात जास्त होईल, अशी आशा त्यांनी व्यक्त केली.
गेल्या दोन वर्षांपासून देशाची निर्यात वाढत असल्याचेही बर्थवाल म्हणाले. हे लक्षात घेऊन यंदाच्या निर्यातीचे आकडे बघायला हवेत. सचिवांनी सांगितले की, जी क्षेत्रे चांगली कामगिरी करत आहेत त्यात इलेक्ट्रॉनिक्सचा समावेश आहे. याचा अर्थ भारत (India) जागतिक मूल्य साखळीशी एकरुप होत आहे.
आकडेवारीनुसार, चालू आर्थिक वर्षाच्या पहिल्या चार महिन्यांत सोन्याची आयात 2.7 टक्क्यांनी वाढून $13.2 अब्ज झाली आहे, जी मागील आर्थिक वर्ष 2022-23 च्या एप्रिल-जुलैमध्ये $12.86 अब्ज होती. समीक्षाधीन कालावधीत तेल आयात 23.4 टक्क्यांनी घसरून $55 अब्ज झाली आहे, जी मागील वर्षीच्या कालावधीत $71.74 अब्ज होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.