देशातील बहुतांश ग्राहक येत्या एक वर्षासाठी त्यांच्या आर्थिक स्थितीबद्दल उत्साहित आहेत, परंतु त्यांनी वस्तू आणि सेवांच्या वाढत्या किमतीबद्दल चिंता व्यक्त केली आहे. अर्न्स्ट अँड यंग (EY) या सल्लागार कंपनीने जारी केलेल्या अहवालात ही माहिती देण्यात आली आहे. अहवालात असे म्हटले आहे की, 'वस्तू आणि सेवांच्या वाढत्या किमतींचा ग्राहकांच्या खरेदी निर्णयावर परिणाम होत आहे.' (Indian consumers are excited about the economic situation but rising inflation is raising concerns)

दरम्यान, EY फ्युचर कन्झ्युमर इंडेक्स फॉर इंडियाच्या नवव्या रिपोर्टमध्ये असे म्हटले आहे की, '80 टक्क्यांहून अधिक लोक वाढत्या खर्चाचे व्यवस्थापन करण्याच्या अनिश्चिततेमुळे बचत करत आहेत. या सर्वेक्षणाने भारतीय ग्राहकांच्या (Customers) सकारात्मक दृष्टिकोनाची पुष्टी केली आहे. कारण 77 टक्के लोकांना पुढील एका वर्षात त्यांच्या आर्थिक स्थितीत सकारात्मक बदल अपेक्षित आहेत.'

तसेच, हे सर्वेक्षण फेब्रुवारी 2022 मध्ये 1000 हून अधिक भारतीय ग्राहकांच्या आधारावर करण्यात आले. अहवालानुसार, भारतातील बहुतांश ग्राहकांनी वस्तू आणि सेवांच्या (Service) वाढत्या किमतीबद्दल चिंता व्यक्त केल्याचे या सर्वेक्षणातून समोर आले आहे.

सर्वेक्षणानुसार, ही स्थिती भारतातील सर्वात कमी उत्पन्न असलेल्या लोकांना प्रभावित करते. अशा लोकांची संख्या 72 टक्के आहे. त्यापाठोपाठ उच्च उत्पन्न गटातील 60 टक्के ग्राहक आणि मध्यम उत्पन्न गटातील 58 टक्के ग्राहक आहेत.