Income Tax: 2022-23 या आर्थिक वर्षाचे रिफंड आयकर विभागाकडून सातत्याने जारी केले जात आहेत. गेल्या काही दिवसांत प्राप्तिकर विभागाने दिलेल्या माहितीमध्ये असे सांगण्यात आले की, आतापर्यंत करदात्यांना 2.15 लाख कोटी रुपयांचा आयकर परतावा जारी करण्यात आला आहे. एप्रिलपासूनच करदात्यांना रिफंडची रक्कम दिली जात आहे. तुमचा परतावा अद्याप आला आहे की, नाही हे जाणून घेण्यासाठी, तुम्हाला रिफंड स्टेटस तपासण्याची आवश्यकता आहे.

प्राप्तिकर विभाग विवरणपत्र जारी करतो

आयटीआर (आयटीआर फाइलिंग) दाखल केल्यानंतर, रिफंड आयकर विभागाकडून तुमच्या बँक (Bank) खात्यात पाठवला जातो. या अंतर्गत आयकर विभाग सातत्याने परतावा जारी करत आहे. केंद्रीय प्रत्यक्ष कर मंडळाने (CBDT) जारी केलेल्या आकडेवारीनुसार, 1 एप्रिल ते 30 नोव्हेंबरपर्यंत, सरकारने करदात्यांना 2.15 लाख कोटी रुपयांचा परतावा जारी केला आहे.

66.92 टक्के अधिक परतावा जारी केला

परताव्याचा हा आकडा गेल्या वर्षीच्या याच कालावधीत 66.92 टक्के अधिक आहे. यापूर्वी, 8 ऑक्टोबर 2022 पर्यंत करदात्यांना परतावा म्हणून 1.53 लाख कोटी रुपये जारी करण्यात आले होते.

परतावा का मिळत नाही

जर तुम्हाला तुमचा आयकर परतावा आतापर्यंत मिळाला नसेल, तर याची अनेक कारणे असू शकतात. मागील ITR फाइलिंगच्या प्रलंबित मागणीमुळे कर परतावा मिळण्यास विलंब होत आहे. किंबहुना, गेल्या आर्थिक वर्षात विभागाकडून अनेक करदात्यांना सूचना नोटिसा बजावण्यात आल्या होत्या. परंतु अनेकांनी याला प्रतिसाद दिला नाही किंवा पोर्टलवर अपडेट केले नाही. अशा करदात्यांना परतावा मिळण्यास विलंब होतो.

याप्रमाणे तुमचे रिफंड स्टेटस तपासा

सर्व प्रथम, करदाते आयकर विभागाच्या www.incometax.gov.in वेबसाइटवर जा.

आता पॅन, आधार क्रमांक किंवा यूजर आयडी टाकल्यानंतर पासवर्डने लॉगिन करा.

येथे ई-फाइल पर्याय अंतर्गत प्राप्तिकर रिटर्न वर जा. यानंतर, रिटर्न फाइल पाहण्याचा पर्याय निवडा.

आता दाखल केलेला नवीन ITR तपासा आणि तपशील पाहा.

तुमचे रिफंड स्टेटस येथे दिसेल. यामध्ये तुम्हाला रिफंड कोणत्या तारखेला जारी केला गेला किंवा कोणत्या तारखेला रिफंड जारी केला जाईल याची माहिती मिळेल.