GST Collection Rises to Rs 1.87 Lakh Crore in April: एप्रिलमध्ये वस्तू आणि सेवा कर (GST) संकलनात विक्रमी वाढ नोंदवण्यात आली आहे.
नवीन आर्थिक वर्षाच्या पहिल्या महिन्यात जीएसटी संकलन वार्षिक आधारावर 12 टक्क्यांनी वाढून 1.87 लाख कोटी रुपयांवर पोहोचले आहे.
एकाच महिन्यात जमा झालेला हा सर्वाधिक GST महसूल आहे. जुलै 2017 मध्ये GST लागू झाल्यानंतर, सर्वात जास्त कर संकलनाचा मागील विक्रम 1.68 लाख कोटी रुपये होता, तो गेल्या वर्षी एप्रिलमध्ये बनला होता.
पीएम मोदींच्या वतीने ट्विटमध्ये म्हटले आहे की, 'भारतीय अर्थव्यवस्थेसाठी (Economy) मोठी बातमी. कराचा दर कमी असूनही, कर संकलनात झालेली वाढ जीएसटीचे यश दर्शवते. हे GST ने एकीकरण आणि अनुपालन कसे वाढवले आहे, हे स्पष्ट करते.'
दुसरीकडे, एप्रिल 2023 साठी कर संकलनाचे आकडे जाहीर करताना, वित्त मंत्रालयाने सांगितले की, गेल्या महिन्यात एकूण GST संकलन 1,87,035 कोटी रुपये होते.
यामध्ये केंद्रीय जीएसटी (CGST) 38,440 कोटी रुपये, राज्य जीएसटी (SGST) 47,412 कोटी रुपये आणि एकात्मिक जीएसटी (IGST) 89,158 कोटी रुपये होते.
जीएसटी संकलनाच्या आकड्यांमध्ये 12,025 कोटी रुपयांचा उपकर (आयातित वस्तूंवर प्राप्त झालेल्या 901 कोटी रुपयांसह) देखील समाविष्ट आहे.
मंत्रालयाने सांगितले की, 'एप्रिल 2023 मधील जीएसटी संकलन एक वर्षापूर्वीच्या याच महिन्याच्या तुलनेत 12 टक्के अधिक आहे.'
तसेच, या कालावधीत देशांतर्गत व्यवहारातून (सेवांच्या आयातीसह) कर महसूल एक वर्षापूर्वीच्या तुलनेत 16 टक्के अधिक आहे.
2022-23 या आर्थिक वर्षात जीएसटीचे एकूण संकलन 18.10 लाख कोटी रुपये होते, जे मागील आर्थिक वर्षाच्या तुलनेत 22 टक्के अधिक आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.