देशातील प्रसिद्ध उद्योगपती गौतम अदानी यांची आणखी एक कंपनी शेअर (Adani Wilmar Share) बाजारात उतरत आहे. अदानी समूहाची एक FMCG कंपनी, Adani Wilmar आहे, ज्याचा बहुप्रतिक्षित IPO आज म्हणजेच 27 जानेवारी रोजी उघडला आहे, ज्यावर 31 जानेवारीपर्यंत बोली लावता येईल. यासाठी प्राइस बँड 218-230 रुपये ठेवण्यात आला आहे.

कंपनीचा इश्यू पूर्णपणे फ्रेश शेअर आहे म्हणजेच इश्यूमधून उभारलेले सर्व पैसे कंपनीकडे जातील. अदानी विल्मरचा इश्यू 31 जानेवारीला बंद होणार आहे. अदानी विल्मर यांनी सांगितले की, आयपीओच्या उत्पन्नापैकी 1,900 कोटी रुपये भांडवली खर्चासाठी वापरले जातील, तसेच कंपनीवरील कर्ज कमी करण्यासाठी सुमारे 1,058.9 कोटी रुपये वापरले जातील आणि उर्वरित 450 कोटी रुपये धोरणात्मक अधिग्रहण आणि इतर गुंतवणूक संधींवर खर्च केले जातील.

अदानी विल्‍मार हा गौतम अदानीच्‍या (Gautam Adani) मालकीचा अदानी ग्रुप आणि सिंगापूरच्‍या (Singapore) विल्‍मार ग्रुपमध्‍ये 50:50 चा जॉइंट व्हेंचर आहे. कंपनी फॉर्च्युन ब्रँड अंतर्गत खाद्यतेल विकते. खाद्यतेलाशिवाय कंपनी तांदूळ, मैदा आणि साखरेचीही विक्री करते. याशिवाय कंपनी साबण, हँडवॉश आणि सॅनिटायझर यासारख्या उत्पादनांचीही विक्री करते.