नवी दिल्ली: कोरोना संकटाच्या वेळी भारतीय रेल्वेने (Indian Railway) दूध एक्सप्रेस(Milk Express) चालवण्याचा निर्णय घेतला आहे. भारताची पहिली दूध  नागपूरहून(Nagpur) दिल्लीकडे रवाना झाली आहे. ही ट्रेन 40 हजार लिटर दुधासह दिल्लीतील हजरत निजामुद्दीन स्थानकात(Delhi Hazrat Nizamuddin station) पोचत आहे. लॉकडाऊन दरम्यान दिल्लीतील दुधाची मागणी पूर्ण होणार आहे. मिळालेल्या माहितीनुसार मदर दूध डेअरी(Mother milk dairy)  हा पुरवठा करीत आहे. ही ट्रेन गुरुवारी रात्री 12 वाजून 55 मिनिटांनी नागपूरहून निघाली ती आज सायंकाळी हजरत निजामुद्दीन स्थानकात पोहोचेल. गरज भासल्यास भविष्यात अशी आणखी एका गाडीची सोय आम्ही उपलब्ध करू असे मदर डेअरी च्या वतीने सांगण्यात येत आहे.(First milk train leaves from Nagpur to Delhi Hazrat Nizamuddin station)

दिल्लीला यावेळी कोरोनाचा फार त्रास झाला आहे. येथे ऑक्सिजनची मोठी समस्या निर्माण झाली आहे, यामुळे दिल्लीच्या केजरीवाल सरकारचाही ताण वाढला आहे. दिल्लीला दररोज 970 मेट्रिक टन ऑक्सिजनची आवश्यकता आहे, परंतु तिथे आता सुमारे 550-600 मेट्रिक टन ऑक्सिजनच मिळत आहे.

RBI ची मोठी घोषणा; कोरोनाविरोधी लढ्याला मिळणार बळ

सध्या दिल्लीत 10 मे पर्यंत लॉकडाउन लावण्यात आले आहे. अजूनही कोरोनाच्या नव्या प्रकरणात वाढ होत आहे. लोक स्वतः लॉकडाऊनची मागणी करत आहेत त्यांमुळे लॉकडाऊन वाढण्याची शक्यता आहे. व्यापारी संघटनांनी ही मुदत 17 मेपर्यंत वाढविण्याची मागणी केली आहे, गरज पडल्यास लॉकडाउन वाढविणार, असे मुख्यमंत्री अरविंद केजरीवाल यांनी सांगितले आहे.