सरकारी सेवांचा लाभ घेण्यासाठी केंद्र सरकारकडून आणखी एक नवीन उपक्रम सुरू करण्यात आला आहे. सर्वसामान्यांच्या गरजा लक्षात घेऊन सरकारने विशेष सुविधा सुरू केली आहे. MyGov ने सांगितले की, आतापासून तुम्ही Whatsapp द्वारे MyGov हेल्पडेस्कवर डिजिलॉकर सेवा वापरू शकता.

सरकारी सेवा मिळणे होईल सोपे

सरकारने सुरू केलेल्या या उपक्रमामुळे लोकांची सरकारी सेवा अधिक सुलभ होणार आहे. डिजीलॉकर, डिजिटल इंडिया कार्यक्रमांतर्गत एक प्रमुख उपक्रम आहे, ज्याचा उद्देश लोकांना त्यांच्या डिजिटल दस्तऐवज वॉलेटद्वारे अस्सल दस्तऐवजांमध्ये प्रवेश देणे आहे.

डिजिटल वॉलेटमध्ये कागदपत्रे सुरक्षित राहतात

डिजीलॉकरच्या माध्यमातून लोक त्यांचे सर्व महत्त्वाचे दस्तऐवज डिजिटल वॉलेटमध्ये सुरक्षित ठेवू शकतात. यासोबतच या डिजिटल फॉरमॅटमध्ये ठेवलेली सर्व कागदपत्रे पूर्णपणे अस्सल आणि वैध मानली जातात. डिजीलॉकरमध्ये जारी केलेली सर्व कागदपत्रे मूळ भौतिक कागदपत्रांप्रमाणेच वैध मानली जातात.

एका निवेदनानुसार, "नागरिक आता WhatsApp वर MyGov हेल्पडेस्कद्वारे DigiLocker सेवांमध्ये प्रवेश करू शकतात... DigiLocker ही MyGov द्वारे WhatsApp वर प्रदान केलेली एक महत्त्वाची नागरिक सेवा असेल."

या सेवांमध्ये डिजिलॉकर खाते तयार करून प्रमाणीकृत करावे लागेल. यासोबतच पॅन कार्ड, ड्रायव्हिंग लायसन्स, वाहन नोंदणी प्रमाणपत्र यांसारखी कागदपत्रे डाउनलोड करणे समाविष्ट आहे. देशभरातील WhatsApp वापरकर्ते WhatsApp क्रमांक +91 9013151515 वर 'हॅलो' किंवा 'हाय' किंवा 'डिजिलॉकर' पाठवून चॅटबॉटमध्ये प्रवेश करू शकतात.

MyGov चे मुख्य कार्यकारी अधिकारी (CEO) अभिषेक सिंग यांनी सांगितले की, या उपक्रमाचा उद्देश व्हॉट्सअॅपच्या सहज उपलब्ध असलेल्या प्लॅटफॉर्मद्वारे नागरिकांना अत्यावश्यक सेवा उपलब्ध करून देणे हा आहे. या नवीन उपक्रमावर भाष्य करताना व्हॉट्सअॅपचे संचालक शिवनाथ ठुकराल म्हणाले की, देशाला डिजिटल पद्धतीने सक्षम बनवण्याच्या दिशेने हे एक महत्त्वाचे पाऊल आहे.