GoFirst Airline: बंगळूरु विमानतळावर सोमवारी एक धक्कादायक घटना घडली. येथून दिल्लीला उड्डाण करणारे विमान एकाही प्रवाशांशिवाय दिल्लीत पोहोचले. विमानातील प्रवाशांनी याबाबतची माहिती विमानतळ अधिकाऱ्यांना दिली. त्यानंतर 55 प्रवाशांना सोडून विमान उडून गेल्याची माहिती मिळाली. मात्र, आता डीजीसीएने या प्रकरणी विमान कंपनीकडून संपूर्ण प्रकरणाचा अहवाल मागवला आहे.

दरम्यान, हे विमान गो फर्स्ट एव्हिएशन कंपनीचे होते. या विमानातील 55 प्रवासी विमानतळावर उड्डाणासाठी तयार होते, ते विमानात चढण्यासाठी शटल बसमध्ये थांबले. तर, नागरी विमान वाहतूक महासंचालनालयाने (DGCA) GoFirst Airline कडून या घटनेबाबत अहवाल मागवला आहे. विमानाने उड्डाण केल्यानंतर 53 जणांना दुसऱ्या फ्लाइटमध्ये हलवण्यात आले. त्याचवेळी दोन प्रवाशांनी पैसे परत करण्याची मागणी केली आहे.

तसेच, या घटनेनंतर विमानात प्रवास करण्यासाठी विमानतळावर पोहोचलेल्या काही प्रवाशांनी (Passengers) त्यांच्या सोशल मीडीयावर संपूर्ण घटनेची माहिती दिली. लोकांनी सांगितले की, आम्ही शटलमध्ये उपस्थित होतो, परंतु बंगळूरु ते दिल्लीच्या फ्लाइटमध्ये चढू शकला नाही. सोमवारी हे विमान प्रवाशांशिवाय बंगळूरुहून 6:40 वाजता निघाले.

दुसरीकडे, या घटनेनंतर GoFirst एअरलाइनने कोणतीही प्रतिक्रिया देण्यास नकार दिला. तथापि, एका प्रवाशाने ट्विट केले की, 'बंगळूरुहून दिल्लीला जाणारे G8-116 विमान प्रवाशांना न घेताच उड्डाण केले. त्याचवेळी, बसमध्ये चढलेले 50 हून अधिक प्रवासी विमानतळावरच थांबले.

शिवाय, या संपूर्ण प्रकरणाची दखल घेत डीजीसीएने अहवाल मागवला आहे. DGCA अधिकाऱ्याने सांगितले की, “आम्ही GoFirst Airline कडून अहवाल मागवला आहे. याप्रकरणी योग्य ती कारवाई केली जाईल.''