gas cylinder  Dainik Gomantak
अर्थविश्व

Paytm वरून गॅस सिलिंडर बुक केल्यास कंपनी देणार कॅशबॅक

Paytm वरून गॅस सिलिंडर बुक कसा करावा

दैनिक गोमन्तक

LPG गॅस सिलेंडर हा आज आपल्या स्वयंपाकघराचा अविभाज्य भाग बनला आहे. एक वेळ अशी होती की गॅस एजन्सीमध्ये जाऊन सिलिंडर बुक करावा लागायचा आणि तेथून सिलिंडर पुन्हा भरायचा. आता तुम्हाला ते करण्याची गरज नाही. आता सिलिंडरचे ऑनलाइन बुकिंग केले जाते आणि सिलिंडर गॅस एजन्सी घरपोच देते.

आता पेटीएम आपल्या वापरकर्त्यांना गॅस सिलिंडर बुकिंगवर अनेक ऑफर देत आहे. यामध्ये मोफत गॅस बुकिंगपासून ते कॅशबॅकपर्यंतचा समावेश आहे. पेटीएम वापरकर्ते इंडेन, भारत गॅस आणि एचपी सारख्या देशातील जवळपास सर्व कंपन्यांचे सिलिंडर बुक करून ऑफरचा लाभ घेऊ शकतात.

मोफत बुकिंग

पेटीएमने आपल्या सर्व वापरकर्त्यांना मोफत गॅस सिलिंडर बुक करण्याची सुविधा देण्याची घोषणा केली आहे. पेटीएमचे म्हणणे आहे की ग्राहक पेटीएमवरून कोणत्याही कंपनीचे गॅस सिलिंडर मोफत बुक करू शकतात. यासाठी पेटीएम वापरकर्त्याला फ्रीगास कूपन कोड वापरावा लागेल. याशिवाय, कंपनी नवीन पेटीएम वापरकर्त्यांना गॅस सिलेंडर बुकिंगवर कॅश बॅक देखील देत आहे.

पेटीएमच्या नवीन वापरकर्त्यांनी सिलेंडर बुक केल्यास त्यांना 30 रुपयांचा कॅशबॅक दिला जाईल, असे कंपनीचे म्हणणे आहे. या कॅशबॅकचा लाभ घेण्यासाठी त्यांना प्रोमो कोड “FIRSTCYLINDER” वापरावा लागेल. याशिवाय वापरकर्ते पेटीएम पोस्टपेड म्हणून प्रसिद्ध असलेल्या पेटीएम नाऊ पे लेटर सेवेमध्ये नोंदणी करून पुढील महिन्यात सिलिंडर बुकिंगसाठी पैसे देऊ शकतात.

असे करा बुकींग

  • तुमचे पेटीएम अॅप उघडा.

  • त्यानंतर रिचार्ज आणि बिल पेमेंट सेगमेंटमध्ये बुक गॅस सिलेंडर टॅबवर क्लिक करा.

  • गॅस कंपनी निवडा.

  • तुमचा नोंदणीकृत मोबाईल नंबर किंवा LPG आयडी किंवा ग्राहक क्रमांक एंटर करा.

  • पेमेंट करताना, पेटीएम वॉलेट, पेटीएम यूपीआय, कार्ड आणि नेट बँकिंग यापैकी एक निवडा.

  • कूपन कोड विभागात प्रोमो कोड 'FREEGAS' सबमीट करा.

  • अशा प्रकारे तुमचा गॅस सिलेंडर बुक होईल आणि गॅस एजन्सी तुमच्या पत्त्यावर सिलिंडर पोहोचवेल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

World Cup 2025: टीम इंडियासाठी 'करो या मरो'चा सामना, उपांत्य फेरी गाठण्यासाठी 'विजय' आवश्यक; इंग्लंडविरुद्ध 'अशी' असेल Playing 11

Goa Diwali Bazar: पणजी, दिवचल भरला दिवाळी बाजार...

Pakistan-Afghanistan War: "पाकिस्तान क्रिकेट को बर्बाद करना चाहता है…" माजी अफगाण कर्णधाराची शत्रू देशावर टीका

राजधानीत नरकासुराचा 'हाहाकार', दिवाळीची तयारी जोरदार ; Watch Video

जब तक सूरज - चांद रहेगा तब तक पर्रीकर- रवि तुम्हारा नाम रहेगा! मागोवा

SCROLL FOR NEXT