ख्रसमस एका दिवसावर येउन ठेपला आहे. हा उत्सव 25 डिसेंबर रोजी जगभरात साजरा केला जातो. मार्केट आणि हॉटेल्समध्ये मोठ्या प्रमाणात सजावटीची लगबग पाहायला मिळते आहे. लोकांची गिफ्टसाठी शॉपिंगही सुरु झाली आहे. यासोबतच कार्यालये, मॉलही रोषणाइने झगमगत आहे. तसेच व्हॉट्सअॅपने देखील ख्रिसमसनिमित्त एक नवी थीम आणली आहे.

तुम्हाला हवे असल्यास तुम्ही ख्रिसमस साजरा करण्यासाठी तुमच्या फोनमध्ये थीम आणि वॉलपेपर सेट करू शकता. त्याचप्रमाणे अॅपचा लोगो देखील बदलू शकता. व्हॉट्सअॅप (Whatsapp) हे असेच एक अॅप आहे, जे जगभरात लोकप्रिय आहे. अनेक लोक त्याचा वापर करतात. हे अॅप अनेक कस्टमायझेशन पर्याय देते. परंतु, या अॅपच्या आयकॉनवर ख्रिसमस टोपी देखील सेट केली जाऊ शकते हे अनेकांना माहिती नसेल.

अँड्रॉइड स्मार्टफोन वापरकर्ते त्यांच्या फोनवर अनेक प्रकारचे थर्ड पार्टी अॅप्स डाउनलोड आणि इन्स्टॉल करू शकतात. जे तुमच्या इच्छेनुसार अॅपचे आयकॉन बदलण्याचा पर्याय देतात. असेच एक अॅप नोव्हा लाँचर आहे. यामुळे तुम्ही व्हॉट्स अॅप लोगो बदलण्यासाठी डाउनलोड करू शकता. तुम्ही तुमच्या व्हॉट्सअॅप लोगावर ख्रिसमस (Christmas) हॅट कशी सेट करू शकता ते जाणून घेऊया.