केंद्र सरकारकडून अनेक सरकारी योजना चालवल्या जातात. ज्यामध्ये महिला, विद्यार्थी आणि अनेक गरीबांना अनेक प्रकारची मदत दिली जाते. याशिवाय अनेक राज्य सरकारांनी विद्यार्थ्यांना मोफत लॅपटॉपही दिले आहेत. अलीकडे सोशल मीडियावर एक मॅसेज व्हायरल होत आहे, ज्यामध्ये तुम्ही एका लिंकद्वारे लॅपटॉपसाठी अर्ज करू शकता. (Free Laptop Scheme News)

* पीआयबीने फॅक्ट चेक केली

पीआयबीला फॅक्ट चेकद्वारे या मॅसेजची सत्यता कळली आहे. पीआयबीने अधिकृत ट्विटवर या मॅसेजची सत्यताही सांगितली आहे.

* 5 लाखांचे लॅपटॉप देणार मोफत?
पीआयबीने अधिकृत ट्विटरवर (Twitter) लिहिले की, एका मजकूर संदेशातील एक लिंक व्हायरल होत आहे, ज्यामध्ये असा दावा केला जात आहे की शिक्षण मंत्रालय 5,00,000 लॅपटॉप मोफत वितरीत करत आहे. हा लॅपटॉप (Laptop) सर्व विद्यार्थ्यांना दिला जाणार आहे.

• ही लिंक पूर्णपणे बनावट आहे.

• केंद्र सरकारकडून अशी कोणतीही योजना राबविली जात नाही.

* फेक मॅसेजपासून सावध राहा

सोशल मीडियावर (Social Media) व्हायरल होणाऱ्या अशा मॅसेजपासून प्रत्येकाने सावध राहावे, असे पीआयबीने म्हटले आहे . पीआयबीने लोकांना असे मॅसेज फॉरवर्ड न करण्यास सांगितले आहे. अशा मॅसेजद्वारे दिशाभूल करून, तुम्ही तुमची वैयक्तिक माहिती आणि पैसा धोक्यात आणता.

* व्हायरल मेसेजची फॅक्ट चेक करता येईल
जर तुमच्याकडेही असा मॅसेज आला तर तुम्ही त्याची सत्यता जाणून घेण्यासाठी फॅक्ट चेक करू शकता. तुम्ही PIB द्वारे तथ्य तपासणी करू शकता. यासाठी तुम्हाला https://factcheck.pib.gov.in/ या अधिकृत लिंकला भेट द्यावी लागेल. याशिवाय, तुम्ही व्हॉट्सअॅप नंबर +918799711259 किंवा ईमेल: pibfactcheck@gmail.com वर व्हिडिओ पाठवू शकता.